download HolidaySmart 假期日常 app
返工最開心就係識到你!如果你公司有呢啲同事 真係要去還神了 職場搵到真朋友 真係要好好珍惜喇

返工最開心就係識到你!如果你公司有呢啲同事 真係要去還神了 職場搵到真朋友 真係要好好珍惜喇

美食推介
By Charlotte on 01 Feb 2019
Editor

鬼唔知老細好,個個月加你人工,同事好,日日吹水等收工好咩?之但係世事邊有咁完美啊~小編覺得如果一定要揀,可能真係有好老細都不如有班真心好同事開心。話曬老細都係出糧俾你嗰個,幾惡頂都頂得gur啲啊。但係同事就每分每秒都對住,大家平起平坐,做乜要受你氣先!所以話如果有班自己做自己嘢,得閒講下公司同老細壞話嘅同事,已經好滿足~但如果你擁有以下嘅同事,咁我就真係恭喜你喇!一齊睇下你有無呢個福氣喇~

1.八卦第一個同你分享

收到公司嘅秘密,會第一時間同你講,就算你無返或者唔喺公司,都會9秒9message你。

元宵節冇煮湯丸但有煮鵝? @yungchoyee #阿傻與煮鵝

Charlene Choi(@choisaaaa)分享的貼文 於 張貼

2.一入whatsapp就會見到佢個名

係因為長期返緊工又好,放咗工又好,都會whatsapp對方,公事私事通通都講~

今日真係笑死我?? #龍虎豹合體 #有新玩具 #百老匯電器 @q_gill @yungchoyee

Charlene Choi(@choisaaaa)分享的貼文 於 張貼

3.會約埋一齊帶飯嘅飯腳

是咁的,返工有時想慳錢都會選擇帶飯,但如果咁啱你唔多like嘅嗰位同事都係帶飯,就會覺得連食個飯都要對住佢。帶飯得自己一個食又會悶,到你諗住出去食,啲同事又帶咗飯。所以如果搵到個飯腳,會前一晚約定第二日一齊帶飯定出去食,你話幾happy~

4.等埋收工

大家都知道,我地大家~~~~返工係為咗咩啊?賺錢!並唔係咁膚淺講金㗎嘛~返工梗係等放工喇!阻人收工,猶如殺人父母。而你,係你啊同事,竟然可以為咗我,而我又可以為咗你而放棄準時收工,成件事好scary囉!明明已經做完嘢,但都會等埋佢先走,就係想爭取行去地鐵站嗰少少時間,吹下水,傾下公司嗰日嘅八卦咁,都係疏肝嘅一種。

Wongtsuiyu(@wongtsuiyu)分享的貼文 張貼

5.佢放假你會有啲灰機

無咗佢,你就無咗個飯腳、無咗個啱傾嘅人、無咗個一個眼神就有共鳴嘅人,即刻覺得公司好陌生,個人好空虛,因為有時你會諗,就算公司有幾差,做嘢有幾辛苦都好,至少有佢明白你,撐你。Okay係誇張咗啲嘅,不過都只係想表達你對我有幾重要姐

Nat(@natalietong53)分享的貼文 張貼

6.放長假會掛住

因為平時一至五都會見住,一放假見唔到就會有啲唔習慣

7.放假都會見

基本上係同事升lv.為朋友,返工見唔夠,連放假都會約埋,有咩餐廳想食,地方想去,都會約埋一齊。

8.買手信俾佢

去旅行買手信返公司呢啲行嘢就一定要做㗎喇!通常都係最尾嗰刻喺機場免稅店買盒合家歡派街坊(聽講人地係咁)。不過如果你有位fd底同事,就一定會另外買份手信專for佢喇!

9.一齊去旅行

呢方面就...唔好話好同事,好朋友都未必一齊去到旅行,好多人都係去完個旅行就無fd做,皆因旅行睇盡對方嘅缺點,未必個個頂得順嘛。不過就算性格夾到,都要啲假夾到先得㗎!想去老細都未必俾你地一齊去喇!

10.幫你出頭

職場如戰場,每位小小員工為咗自保,真係可以咩都做得出,亦都好多嘢未必敢出聲,有時出少句聲都係保護自己嘅方法!不過如果當你俾人蝦,佢會即刻路見不平,幫你出氣。嗰下你真係會feel到有一陣暖氣湧埋黎,咁佢就真係攞個心出黎同你做朋友喇!

Nancy Wu 胡定欣(@nwuuu)分享的貼文 張貼

不過,即係咁講,返工就真係返工,請你返黎唔係為咗識朋友㗎嘛。bonus黎嘅bonus黎嘅~所以就算無呢啲好同事,都唔洗咁愁嘅~只係祈求唔好有啲惡頂同事

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

美食推介