人生必到阿拉伯寶石—神秘國度卡塔爾 探索古蹟+傳統市場+卡塔爾沙漠

提到阿拉伯國家，有好多人都會即刻諗起杜拜、摩洛哥等，其實位於西亞嘅卡塔爾都同樣咁值得遊覽，唔只有傳統阿拉伯市場，仲有好吸引嘅文化遺產同自然景觀。

Photo from Qatar National Tourism Council

卡塔爾大部分地區係覆蓋沙土嘅荒漠，屬於熱帶沙漠性氣候，沙漠都有好多嘢玩。

沙漠必玩沙漠飛車，坐住四驅車喺高低不平嘅沙丘之間穿梭，一時衝上幾十米高嘅沙丘頂，一時由沙丘頂衝落山坡，就算坐四驅車都體驗到極刺激嘅離心力！

Photo from Qatar National Tourism Council

而卡塔爾沙漠之所以咁出名唔只因為有刺激嘅沙漠飛車玩，仲可以喺度睇到海！

卡塔爾沙漠同叫做豪爾艾阿戴德（Khor al Adaid）嘅內海相連，內海嘅另一邊係沙地阿拉伯，所以喺卡塔爾沙漠可以遠眺沙特阿拉伯國境，加上內海瀰漫住風沙嘅蔚藍海景，感覺就好似見到海市蜃樓咁超現實！

卡塔爾亦都保存咗阿拉伯傳統文化。必遊最古老嘅阿拉伯傳統市場瓦吉夫老市場（Souq Waqif），呢度有成幾百間店鋪，以賣香料、旅遊紀念品同阿拉伯服飾同飾物為主，更加保留咗典型嘅阿拉伯風格建築，而大街兩邊仲有好多阿拉伯傳統餐廳同cafe，可以俾你盡情品嚐當地傳統美食。鍾情阿拉伯文化嘅你可以喺呢度一次過滿足晒食買玩3方面！

Photo from Qatar National Tourism Council

Photo from Qatar National Tourism Council

對歷史文化有興趣嘅話，就一定要去卡塔爾北部嘅古蹟睇下，絕對會令你大開眼界！

講到古蹟，不得不提祖巴拉堡(Al Zubarah Fort)，祖巴拉堡建於1938年，最初係用嚟做海岸護衛站，依家就成為咗展示藝術作品同考古發現嘅博物館。2013年更獲選為卡塔爾嘅世界文化遺產，遺址有約400公頃，外牆係砂岩質地，極之宏偉。

Photo from Qatar National Tourism Council

想了解多啲卡塔爾嘅人文風情，可以去北部嘅傳統卡塔爾村莊，呢度嘅屋係由石灰石同泥土建成，有一種沙漠獨有嘅阿拉伯風情。

喺卡塔爾北邊如果遇上好天氣，仲可以遙望鄰近巴林嘅壯麗景色添！

其實平時飛歐洲都好可能試過喺卡塔爾轉機，與其喺機場等幾個鐘，喺卡塔爾嚟個半日遊都係唔錯嘅選擇～

Photo from Qatar National Tourism Council

沙漠衝浪半日遊推介

行程：乘坐豪華4x4陸地巡洋艦喺茫茫沙漠中馳騁；喺沙特阿拉伯臨界的內陸海停下，欣賞蔚藍海面；由專業英文嚮導講解

出發時間：朝早9點至9點半

全程時間：約4個鐘

價錢：（2人同行）$1,130起；（4人同行）$640起

阿拉伯傳統市場半日遊推介

行程：參觀多哈最古老嘅阿拉伯傳統市場以及典型嘅阿拉伯風格建築群；臨街嘅阿拉伯傳統飯店同cafe，可自費品嚐當地傳統美食；體驗多哈夜生活必去之地

出發時間：下晝3點半至4點

全程時間：約4個鐘

價錢：（2人同行）$920起；（4人同行）$470起

探索卡塔爾北部半日遊推介

行程：參觀祖巴拉堡，觀賞展覽藝術作品同參觀考古發現嘅博物館；觀賞喺Al-Jassasiya嘅古老清真寺；前往北部傳統卡塔爾村莊，感受當地人文風情；喺卡塔爾北部區欣賞巴林嘅壯麗景色

出發時間：朝早8點至9點

全程時間：約6個鐘

價錢：（2人同行）$1,330起；（4人同行）$830起

Information by Travel Expert