「用吓個腦記嘢啦!」無記性原來係因為你無食芫茜啊!食芫茜有助增強記憶力 仲可以排毒美顏添

「用吓個腦記嘢啦!」無記性原來係因為你無食芫茜啊!食芫茜有助增強記憶力 仲可以排毒美顏添

Hong Kong 香港食玩
By PressLogic on 08 Feb 2019

芫茜呢味嘢,就好似榴槤同臭豆腐咁,有人愛不惜手,有人聞到就想嘔。但係原來芫茜對身體好好,仲可以令你變得聰明啲㗎!

shutterstock
Photo from shutterstock

畀10秒時間你諗吓,身邊邊個係芫茜控,1,2,3,10!好,咁佢哋係咪特別有記性呢?如果唔係嘅話,咁可能係佢食得唔夠啦!事關有一項進行咗為期45日嘅研究,以白老鼠作為實驗對象,喺呢45日入面,每日餵芫茜畀白老鼠食,之後再對佢哋進行各種智力測試,結果顯示有食芫茜嘅白老鼠,佢哋嘅記憶力大大增加,證明芫茜原來係有助增強記憶力㗎!

shutterstock
Photo from shutterstock

由於芫茜有一種酵素「抗膽鹼脂酶性」,能夠抑制減低記憶力嘅「膽鹼脂酶」嘅數量,亦即係食得多芫茜,記憶力就會越黎越好啦!

shutterstock
Photo from shutterstock

另外,女士們要注意了!芫茜除咗有助增強記憶力,其實仲有助清除體內毒素,可以排毒美顏㗎!喺嗰45日入面,每日食芫茜嘅白老鼠,腎功能有明顯改善,而身體入面嘅含鉛量亦都比較低。芫茜就好似天然嘅螯合劑,有助排出體內嘅重金屬㗎!

在 Instagram 查看這則貼文

討厭~ 有芫茜!🙊 你吃了什麼會有這個反應?🤐

Ko Ling 高海寧(@sammkoling)分享的貼文 於 張貼

睇黎小編都要嘗試下,慢慢地,少少少少咁樣,開始食芫茜啦...好多嘢食都會喺上面加上幾塊芫茜做點綴,或者可以從嗰度入手,慢慢習慣吓佢嘅香氣啦~

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Holiday長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!

Follow Instagram: holiday.spresslogic


芫茜研究

Share to Facebook