咁威!2013年新城新人獎被棄置橋底 邊位歌手斷捨離得咁切底?!

咁威!2013年新城新人獎被棄置橋底 邊位歌手斷捨離得咁切底?!

HotTalk 熱門話題
By PressLogic on 08 Feb 2019

相信大家喺過農曆新年前都會執吓屋,清吓啲擺喺度冇咩用嘅嘢,實行一次斷捨離。

Colin Mak@Facebook
Photo from Colin Mak@Facebook

而喺尋日就有DJ喺北角渣華道橋底發現咗一個2013年嘅獎座,同一堆鞋擺埋一齊,個獎上面寫住「新城勁爆躍進歌手」,而睇番當攞到呢個獎嘅歌手,分別就有羅力威、連詩雅、龍小菌、蔚雨芯同埋吳彤。

Wiki
Photo from Wiki

一班當時人當然要即時出嚟澄清,證明自己清白喇!當中龍小菌就最直接,攞住個獎嚟影相洗冤。

龍小菌@Facebook
Photo from 龍小菌@Facebook

其餘幾位就齋講冇相,蔚雨芯留言話:「我啲獎全部喺晒公司WO....冤枉」。

蔚雨芯@Facebook
Photo from 蔚雨芯@Facebook

雨僑就代老公羅力威「出頭」話:「目測...我呢邊都唔係。」但之後又補飛:「嗱!我斷捨離掉自己啲嘢咋...唔關我事!」

雨僑@Facebook
Photo from 雨僑@Facebook

身為當事人嘅羅力威亦有現身:「就算我真係有扔個奬,都一定唔會出現係(喺)港島..我住九龍。」

羅力威@Instagram
Photo from 羅力威@Instagram

而連詩雅就喺蔚雨芯個留言度搭嗲話:「me too!」之後,佢又喺IG Story到晒咗幾張所有獎嘅相出嚟,仲留言指自己要星期先可以返到公司同啲獎影相: 「要工作關係回不了公司,所以叫公司同事幫我拍個影。其實我由出道到現在所有拿過的獎都在公司,因為每一次拿獎都值得好好紀念。雖然很久沒有拿過獎,但繼續努力做好每一件事,謝謝!#遲啲先補自拍啦 #祝大家初四開工大吉」

連詩雅@instagram
Photo from 連詩雅@instagram

至於最後一位當事人吳彤就亦有喺Facebook轉post留言回應直指自己早前已經移居咗加拿大:「移居加拿大一段時間,應該要斷捨離都一早斷捨離,不過我獎唔多,所以擺倉都仲好多地方,有緣攞出嚟影張相囉。何況咁多女裝鞋,我應該冇咁嘅福分,亦冇咁嘅興趣。祝大家豬年快樂!」

吳彤@Facebook
Photo from 吳彤@Facebook

之不過網友就好似唔太接受,仲話都係得個講字,呼籲佢哋攞住個獎自拍,仲要攞住張印有日期嘅嘢一齊影證明係新相,做到有圖有真相洗脫嫌疑添!

Instagram
Photo from Instagram

咁講到底究竟呢個獎係邊個嘅呢?會唔會佢哋5個都唔係,其實個獎係當年新城整多咗作為後備用嘅呢?

Text:Holiday Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Holiday長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!

Follow Instagram: holiday.spresslogic


Share to Facebook