「導演一日未嗌cut 一日都要演落去!」唔係周星馳講先?!

「導演一日未嗌cut 一日都要演落去!」唔係周星馳講先?!

HotTalk 熱門話題
By PressLogic on 08 Feb 2019

《喜劇之王》尹天仇(周星馳飾)講嘅一句經典對白:「導演一日未嗌Cut, 一日都要演落去!」。大家都以為係編劇/周星馳諗先,但其實佢係出自最強、最敬業嘅配角「田雞」田啟文。

少林足球足球
Photo from 少林足球

「田雞」喺拍《九品芝麻官》飾演一條死屍,星爺就負責驗屍。田雞接受傳媒訪問嘅時候憶述:「當時由於著古裝,褲頭得一條帶,佢好易就解開咗我褲頭帶,拎咗一個夾燈嘅小木夾,夾我下體。」

喜劇之王
Photo from 喜劇之王

「小田雞」被夾嘅時候,佢完全冇反應。「佢夾一個見我冇反應,再夾、再夾、再夾,一共夾咗四個。到正式拍完,星爺問:「啱啱夾唔到你咩?」田雞︰「夾到呀!」星爺︰「唔痛咩?」田雞:「梗係痛啦!」「咁做咩唔叫出聲?」田雞:「因為導演未嗌Cut嘛!」

喜劇之王
Photo from 喜劇之王

喜劇之王
Photo from 喜劇之王

田雞當時只係個寂寂無名嘅演員,但因為對角色認真對待,敬業樂業,打動咗周星馳,仲將呢句說話記低,後來更將這句話用喺《喜劇之王》裡面。田雞謙虛咁話:「自細受電視台拍攝嘅訓練,而且電視台係成場戲拍的,如果突然個個都可以嗌Cut,真係永世都拍唔完一場戲。而且做完一場戲,邊一幕要補拍,邊一到要Cut,都應該由導演決定,所以喺片場只有導演可以嗌Cut!」

少林足球
Photo from 少林足球

 Text: Holiday Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Holiday長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!

Follow Instagram: holiday.spresslogic


Share to Facebook