download HolidaySmart 假期日常 app
有一種關係叫洪永城黃翠如 洪永城上翠如屋企拜年 感概好友終成人妻:我仲曾經諗過儲錢俾你買姑婆屋

有一種關係叫洪永城黃翠如 洪永城上翠如屋企拜年 感概好友終成人妻:我仲曾經諗過儲錢俾你買姑婆屋

美食推介
By Charlotte on 11 Feb 2019
Editor

洪永城同黃翠如呢對多年嘅密友有幾friend就好多人都知㗎啦。佢哋唔單止friend,好多人都覺得佢哋好襯添㗎。

早前蕭正楠喺《萬千星輝頒獎典禮》入面講嘅一句「多謝我太太」,宣布佢同翠如已經結咗婚,成為夫妻。一眾藝員同事都好戥佢哋高興,同時間,有一個人喺旁邊靜靜地抹眼淚。

TVBPhoto from TVB

嗰個就係洪永城,多年嘅密友揾到好人家結婚,令洪永城不禁流下男兒淚,感動得喜極而泣。好睇得出佢哋之間深厚嘅友情。

bigbigchannelPhoto from bigbigchannel

而依家正值農年新年,亦係阿蕭同翠如公開婚訊後嘅第一個農歷新年,派利是就少不免啦。繼翠如嘅好友唐詩詠上門拜年逗利是後,洪永城亦有到訪拜年。

事後二人紛紛喺社交媒體上載合照,而重點就在於佢哋嘅caption,將佢哋深厚嘅友誼表露無遺,令旁人睇見到深深被感動啊!

黃翠如InstagramPhoto from 黃翠如Instagram

翠如喺Instagram上載咗自己、老公阿蕭同洪永城嘅合照:「喺你仲未娶到老婆煎蘿蔔糕俾你食之前,
我們家都歡迎你,
不過娶到老婆之後,
就唔好來打攪我地啦。
#愛錫系列
#洪大笨」

係咪即係喺「洪大笨」未有老婆之前,煎蘿蔔糕畀洪永城食,都係翠如包辦呢?

而洪永城亦有喺Instagram上載二人嘅合照:「識你咁耐,今次唔講衰嘢喇。
等咗你咁多年終於收到你嘅利是,果陣仲以為一世都冇咁嘅機會,我仲曾經諗過儲錢俾你買姑婆屋,不過宜家又識煎蘿蔔糕,咁難煎嘅嘢都俾你煎到,真係好難得、又識洗碗,又有一件燒腩肉照顧你,咁我就放心啦。
恭喜你找到人生旅程入面找到一個好好嘅旅伴。#旅遊拍檔」

相識11年,話係好長時間?又未至於,但係一段深厚嘅友誼,未必建基於時間上,而係呢不長不短嘅11年入面,佢哋歷經幾多。男方感慨身邊嘅小女孩由一個唔食煮飯嘅傻大姐,到依家已經做咗人妻,仲搵到一個好老公,一個可以令佢放心嘅男人照顧佢。煎蘿蔔糕好難?只係無諗過本身連蛋都煎唔好嘅佢,依家總算可以煎吓蘿蔔糕招呼客人,成為一個女人。

黃翠如InstagramPhoto from 黃翠如Instagram

女方亦非常愛錫呢位好友,話就話搵到老婆後就唔好再打攪佢哋,其實心裏面係好希望好朋友快啲搵到可以照顧佢嘅老婆,為好友「煎蘿蔔糕」,而喺未有呢個人之前,作為好友嘅翠如,當然樂意暫代此職先啦!

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel