李施嬅捱到出頭天！2017年成雙料影后後今再獲提名加拿大最重要電影獎項嘅最佳女配角

By Ivory on 11 Feb 2019

Digital Editor

最近無線喺黃金時間播出嘅《荷李活有個大老千》中飾演3位新星經理人「瑪利蓮」嘅李施嬅，說話口吻、態度，似足60年代嘅人，更有一幕為新星們大騷「15秒擺21個甫士」嘅絕技，有網民大讚佢做得好，仲話佢好有喜感添！佢最近喺IG親自宣布自己獲「加拿大奧斯卡」提名最佳女配角嘅喜訊。

Photo from 《荷李活有個大老千》

李施樺入咗TVB15年，但一直無緣TVB任何獎項。無論佢「胡說八道會」嘅好姊妹、佢嘅粉絲，定係電視觀眾都替佢不值！李施嬅曾經喺2017年播出嘅TVB真人騷節目《胡說八道會真情假期》真情剖白：「未入『胡說八道會』之前，唔覺得自己可以攞到獎。如果冇你哋（胡說八道會）喺我生命中出現，就唔會有今日嘅李施嬅！」「你哋咁多個，得我一個未喺TVB呢個台到攞過獎咖，我係一個獎都未攞過！」令施嬅忍唔住質疑自己能力，「我係咪唔係一個好演員？我係唔係一個好嘅Actress呢？」但自從佢跳出TVB呢個框框之後，獲獎嘅機會就陸續有來！

佢喺2017年憑美國微電影 “Once More” 獲得歐洲小型電影節《European Cinematography Awards》嘅最佳女主角，而相隔一個月後，憑同一部微電影再獲全球30大電影節《Los Angeles Film Awards》中獲得最佳女主角，成功成為「雙料影后」。

Photo from 《Once More》

喺最近（2月8日），李施嬅喺自己IG上載咗一條影片，向粉絲們公佈喜訊：「好開心啊，今朝一起身收到一個Email話我被提名啊！係加拿大一年一度最重視嘅頒獎典禮《Canadian Screen Awards》，憑住《Blood and Water》 Michelle嘅角色去提名。」佢話，無論結果係點，都會好開心，因為被提名都係一件好難得嘅事，仲話有得行紅地毯添啊！

Photo from IG@selenaleelalee

在 Instagram 查看這則貼文

想同大家分享一個今日收到嘅喜訊。無論結果係點都已經好感恩。 #當努力後有成果特別開心 #香港其實有好多好演員 @thecdnacademy

Selena Lee 李施嬅（@selenaleelalee）分享的貼文於 PST 2019 年 2月月 8 日上午 5:31 張貼