英已有藥廠研發出含可可止咳藥 研究:朱古力比傳統咳藥水更有效舒緩咳嗽

英已有藥廠研發出含可可止咳藥 研究:朱古力比傳統咳藥水更有效舒緩咳嗽

HotTalk 熱門話題Health 健康
By Presslogic on 11 Feb 2019

近年天氣時凍是時熱,搞到大家都好容易病,不時行街、搭車都會聽到有人咳嗽。有時仲會畀人眼望望,搞到自己好似異類咁...又唔想睇醫生,飲嗰啲勁難飲專治咳嗽嘅藥水,同埋又要戒凍飲、戒甜……點算好?

shutterstock
Photo from shutterstock

早前英國赫爾大學心血管及呼吸系統學系系主任兼教授Alyn Morice就指出:「朱古力有助舒緩咳嗽症狀。」止咳療效可能比傳統咳藥水更優勝!

Photo from shutterstock

不過一講到食朱古力,唔少人一定畀長輩話過「食甜嘢,惹痰呀」,但Alyn Morice教授就搵嚟163名患有咳嗽嘅病人做實驗,畀佢哋食含有可可鹼成分嘅新藥。

Photo from shutterstock

結果發現佢哋病癥兩日內就有明顯改善,咳嘅次數下降,仲冇再因為咳而搞到無法入睡,比只好傳統方法,患者嘅康復期亦同時縮短。

Photo from shutterstock

Alyn Morice解釋指朱古力係一種緩和劑,帶有「漿口」嘅感覺。意即當我哋食朱古力時,就會自動為喉嚨嘅神經加上保護膜,鎮靜咳嗽嘅感覺。同時佢亦解釋咗點解蜜糖亦可以減輕喉嚨痛嘅症狀,同樣係因為依種質感,所以一排朱古力就足以減低咳嗽症狀。

Photo from shutterstock

教授認為如果再加上其他鎮咳嘅西藥成分,令藥物可以停留喺喉嚨嘅時間愈長,止咳嘅效用就會愈明顯。

Photo from shutterstock

而黑朱古力嘅鎮咳能力係眾多朱古力中最強嘅,因為黑朱古力嘅可可鹼含量高於一般朱古力或牛奶朱古力。

Photo from shutterstock

之但係有一樣嘢要提提大家嘅就係,教授喺研究中提到唔建議咳嗽時飲熱朱古力,因為熱朱古力嘅質地較順滑,做唔出對喉嚨有幫助嘅保護膜。

Photo from shutterstock

當然如果只靠食朱古力就想咳嗽完全痊癒係唔可能嘅事,因為依會方法只係治標唔治本。所以英國就有藥廠研發出含有可可成分嘅止咳藥,令大家治標之餘仲治本添呀!

Source: Daily Mail

Text:Holiday Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Holiday長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!

Follow Instagram: holiday.presslogic


Share to Facebook