千祈唔好餓親女朋友！研究：女生肚餓時更容易發嬲

一年一度情人節終於到啦！要令心儀女生開心，識浪漫搞氣氛唔在講，但最重要嘅原來係唔好餓親女方呀！有研究發現，原來女仔肚餓時候係會更易發脾氣，各位男士想今晚「平安渡過」嘅話，真係要留意啦！

加拿大貴湖大學（University of Guelph）心理學教授 Francesco Leri指出，血糖係影響情緒變化嘅主要原因，當血糖上升時會讓人輕鬆、開心，血糖降低時就會令人產生負面情緒。

而肚餓會令血糖降低，使人情緒更易情緒失控兼暴躁，同時注意力會難以集中，甚至連說話都可能變得混亂。

Photo from shutterstock

美國北卡大學曾經進行過一個研究，先俾400位參加者睇一張可愛嘅寵物相片，再睇一張抽象圖，請他們就第二張相片「可愛程度」打分。結果發現參加者嘅飢餓程度越高，俾嘅分數就越低，證明人喺肚餓時更易產生負面看法！

研究人員又喺參加者進行實驗時，故意將電源中斷，從而觀察佢哋嘅情緒變化。實驗結果顯示處於飢餓狀態嘅參加者，會更加容易變得憤怒，作出衝動舉動。由此可證，人喺肚餓時，情緒管理會明顯變差！

Photo from shutterstock

另外，更重要嘅係女性比男性更易被飢餓影響。英國飲食協會嘅Alison Clark表示，因為女性嘅胃口同情緒多數由荷爾蒙主導，餓起上嚟真係會「Hangry」㗎！

Photo from shutterstock

所以奉勸各位今晚有約會嘅男仕，想女朋友開開心心，或者同女神告白成功，就千祈唔好餓親佢啦！女仔其實好簡單，食得飽自然心情靚啦！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）