古仔定欣找數真漢子情人節推亂世情侶合唱版定欣望大家能重新相信愛情

生活熱話

By Ivory on 14 Feb 2019

Digital Editor

胡定欣同古巨基合作拍嘅《亂世情侶》MV上個月終於上架，係「愛與誠」後再次做古仔MV女主角。

Photo from 愛與誠

《亂世情侶》MV主要講一對情侶為咗買樓、結婚，默默工作，希望可以儲夠錢，為未來奔馳，然而缺乏好多二人共處嘅時間，忽略身邊咗身邊嗰個！

Photo from 亂世情侶

呢首歌一出街，有唔少拍拖多年嘅情侶聽到好有共鳴，為咗搵錢，偏偏相處嘅時間就越嚟越少，對古巨基結尾旁白更係表示感動：「愛情可能係要計劃將來，但係唔可以因為計劃將來，而忘記咗乜嘢係戀愛！」呢句強而有力嘅句字，正正為未來苦拼緊嘅情侶打打氣！

Photo from 亂世情侶

有唔少網民聽完之後，都要求嚟一個胡定欣+古巨基「合唱版」。估唔到佢哋竟然趕得切喺情人節前推出合唱版！

Photo from IG@nwuuu

合唱版本加埋定欣歌聲，佢同古仔一人一句，就好似互相呼應、互相鼓勵。完美能體現愛情係互相經營，一齊努力、一齊成長、一齊感受吃苦嘅樂趣。更要一齊對抗呢個世道，一齊牽住手走到最後！最重要係懂得珍惜對方，即使餐餐青菜淡飯，只要你喺我身邊，都能夠挨得過！

Photo from IG@heungheungeliza

Photo from IG@rahrahsong

今次呢個合唱版仲由定欣以溫柔聲線結尾，呼應古仔：「當你拎住蛋糕，出現喺我面嘅嗰一刻，我知道無論我哋計劃嘅將來會係點，都唔會比我眼前嘅你更重要！」

Photo from 亂世情侶

古仔喺自己IG 上載咗佢同定欣一齊錄歌嘅情況，仲話：「你哋講得出，我哋做得到！」而定欣亦有喺自己IG幫手宣傳「亂世情侶合唱版」，希望「單身的不要哭，聽完看完你也會重新相信愛情～」

在 Instagram 查看這則貼文

粉絲的威力！！！ . 早陣子約定欣晚飯答謝她出演《亂世情侶》MV，席間聊到粉絲們在mv post下留言建議弄個合唱版，於是⋯⋯你地講得出，我地做得到！！我們還特意趕在今晚 2/14情人節 00:00 發佈這次《亂世情侶》合唱版MV，作為送給各位的情人節禮物！（單身的不要哭，聽完看完你也會重新相信愛情～） . 各位，情人節快樂！❤ @nwuuu #古巨基 #胡定欣 #亂世情侶

古巨基 Leo Ku（@leoku）分享的貼文於 PST 2019 年 2月月 13 日上午 2:00 張貼

在 Instagram 查看這則貼文

Umm..要唔要收情人節禮物呢？大家想收到基仔同我送的情人節嗎？☺️ : : 今晚 00:00 發佈《亂世情侶》合唱版MV，作為送給各位的情人節禮物！（單身的不要哭，聽完看完你也會重新相信愛情～）各位，情人節快樂！❤️ @leoku

Nancy Wu 胡定欣（@nwuuu）分享的貼文於 PST 2019 年 2月月 13 日上午 4:55 張貼