download HolidaySmart 假期日常 app
動物園幼獅子被獸醫用鉗截走爪子 為令遊客與獅子自由接觸 動物保護組織:相當於人類手指被截斷

動物園幼獅子被獸醫用鉗截走爪子 為令遊客與獅子自由接觸 動物保護組織:相當於人類手指被截斷

美食推介
By Charlotte on 18 Feb 2019
Editor

喺巴勒斯坦嘅一個動物園,園方為咗讓遊客可以同園入面嘅獅子接觸,不惜將一隻只得14個月大嘅幼獅嘅爪子截掉。事件引起動物保護組織同網民嘅關注。

動物園3

位於巴勒斯坦加薩地區嘅拉法動物園(Rafah Zoo),早前被影到有人員將一隻只有14個月大嘅小獅子麻醉,並剪去佢嘅爪子,再將傷口縫上。有報道指出,園方幫獅子剪去爪子時,剪得非常深入,場面血腥。

動物園1

動物保護團體Four Paws指出,今次手術並唔係喺設備齊全嘅獸醫診所進行,所以感染機會好高。而移除爪子亦係相當惡劣嘅行為,會對動物造成長期嘅傷害。如果大型貓科動物無爪子,好多本能都會遭到剝奪,例如獵食同爬樹,都幾乎無法做到。

動物園2

對於Fours Paws嘅指控,動物園園長Mohammed Jumaa回應指動物園正努力降低母獅嘅侵略性,同遊客保持友好關係。而進行手術嘅獸醫Fayez al-Haddad亦認同園方嘅決定,表示剪掉爪子後,遊客同小朋友都可以盡情同獅子玩,為孩子帶黎笑容同快樂,同時增加入園人數,而對於剝奪獅子本能嘅說法,佢則極力反駁。

動物園5

不過其實園方一方面剪掉獅子嘅爪子,另一方面保留咗獅子尖銳嘅牙齒,而動物園則讓遊客自由與幼獅玩耍,亦有引來不同人士對動物園做法嘅質疑。

動物園4

Photo Source:Four Paws影片截圖

Text: Holiday Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

美食推介