食宵夜4大好處！瞓前兩個鐘唔食就OK？！研究：餓住瞓可能仲易肥

唔少人都會覺得食飽瞓係引致肥胖嘅主要原因，不過其實兩者一啲關係都冇㗎！

Photo from shutterstock

早前日本岡山大學就進行咗一個為期三年嘅研究，研究中發現原來喺瞓前兩個小時食嘢並唔會影響血糖水平及體重。唔單止有影響，其實仲有好處添！

Photo from shutterstock

依個研究一共觀察咗1,573名日本西部嘅中年人及老年人，佢哋就發現體重增加係因為血糖水平高，而當中就發現就算喺瞓前兩個小時進食，對血糖嘅高低並冇太大嘅影響，換言之「食宵夜」並唔係體重增加嘅主要原因。

Photo from shutterstock

咁到底係咩引致肥胖，研究中指血糖水平高其實係同飲食或生活習慣有關，如你嘅BMI指數，吸煙或飲酒量等。

另外，其實喺外國就有研究指出飽肚瞓唔止唔會肥，仲有其他好處添！

Photo from shutterstock

1. 強化效果

如果你曾經因為減肥而選擇夜晚捱餓，咁你就大錯特錯喇！研究指人喺感到飢餓時身體並唔係燃燒脂肪，而係先消耗蛋白質。過量嘅蛋白質消耗甚至令身體嘅肌肉比例下降，脂肪比例相應上升，咁對減肥係毫無幫助嘅。當然亦唔代表你可以因此而暴飲暴食，只要適量同均衝進食先可以做到事半功倍。

Photo from shutterstock

2. 有助新陳代謝

睡覺時身體其實係仲會運作，而依個運作就係幫身體進行新陳代謝。當中嘅新陳代謝就正正需要「燃料」，依個時候如果適量嘅進食，咁依啲食物便會變成身體嘅「燃料」，幫助脂肪燃燒之餘亦能阻止飢餓酵素產生，有助減肥之餘仲可以令身體更加健康。

Photo from shutterstock

3. 改善失眠

其實空肚低血糖係會妨礙睡眠，影響第二日嘅精神。相反，如果瞓前進食穩定血糖，令身體喺休息時有之前提到嘅「燃料」使身體正常運作，有助改善睡眠品質。

Photo from shutterstock

4. 提升工作效率

捱餓嘅感覺會令人難以忍受，更有可能會令人半夜餓醒，影響睡眠品質，從而帶來壞心情，而呢種心情亦好容易被帶到第二天，令人無心工作，辦事效率下降。因此適量嘅進食可以幫我哋提升工作效率。

Photo from shutterstock

總括嚟講，雖然食宵夜可以有以上4種好處，不過大家都唔好過份放縱。咁樣嘅話，以後就可以大條道理食宵夜都冇問題喇！

Photo from shutterstock

不過最後都要提提大家研究實屬實驗性質，得出嘅結果可因唔同國家嘅飲食文化而有所不同。

Source：BMJ Nutrition, Prevention and Health、healthy simple life

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）