download HolidaySmart 假期日常 app
無奇不有!中三學生為趕功課淘寶買「寫字機器人」 2日做好功課

無奇不有!中三學生為趕功課淘寶買「寫字機器人」 2日做好功課

時事熱話 生活熱話
By Jennifer on 18 Feb 2019
Digital Editor

啱啱放完新年假,仲記得以前讀書臨返學嗰幾日就會努力趕功課,不過趕功課咁辛苦,有部分學生會想盡辦法借功課抄、甚至「請槍」搵人幫手寫功課。

喺內地哈爾濱就有一位中三學生決定「請槍」,不過佢就唔係搵普通人幫手做功課,而係用利是錢800元人民幣(約$931港元)喺淘寶買咗一部「寫字機器人」,用兩日時間做晒啲功課。

根據內地傳媒報道,呢個中三女生新年假期有好多功課,包括抄課文、作文、做數學練習卷同背單詞等,佢媽媽早就幫個女訂好「寒假作業計劃」,目標係喺2月24號前完成所有功課。

shutterstockPhoto from shutterstock

但估唔到喺13號嘅時候,媽媽發現個女只用咗兩日就做好晒抄課文嘅功課,而且字跡工整,仲要無錯別字同改字添,見到個女咁「認真努力」,媽媽都好欣慰。

點知後來幫阿女執房嗰陣,意外發現「寫字機器人」嘅包裝盒,媽媽喺說明書上見到「可以模仿各種筆跡抄寫文字」嘅字眼,追問之下,阿女承認佢用咗利是錢淘寶「寫字機器人」,為咗快啲到貨,仲加咗30幾蚊加急快遞費。

淘寶網Photo from 淘寶網

小編上淘寶網打「寫字機器人」,發現「寫字機器人」有各種款式,價錢由200至2,000蚊人民幣不等,寫明係「抄筆記神器」,有啲仲係「全金屬」、「激光雕刻」。

淘寶網Photo from 淘寶網

淘寶網Photo from 淘寶網

其中一間網店表示「寫字機器人」係一組杆狀電子金屬套件,可以放上原子筆、鉛筆,只要下載相關嘅手機app或者軟件,導入需要書寫嘅內容,機器人就可以喺紙上模仿筆跡書寫指定內容,1分鐘可以寫到30至40字。

淘寶網Photo from 淘寶網

淘寶網Photo from 淘寶網

不過賣家指,「寫字機器人」只適用於書寫要求不高、重複抄寫嘅功課上,例如抄書,雖然機器人可以模仿筆跡,但始終機器人寫出嚟嘅字嘅距離、大小、寫字力度太相似,只要細心觀察,仍然都會睇得出。

雖然功課都應該由自己做返,但「寫字機器人」呢樣嘢都幾神奇下,淘寶果然係無奇不有......

Text: Holiday Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel