download HolidaySmart 假期日常 app
日本cafe推出紅色/藍色咖喱飯神還原富士山 仲有超厚Pancake山

日本cafe推出紅色/藍色咖喱飯神還原富士山 仲有超厚Pancake山

旅遊攻略
By Jennifer on 19 Feb 2019
Digital Editor

富士山可以話係日本嘅地標,有唔少紀念品都係以富士山做主題,連食物都唔例外!最近就有cafe推出富士山造型嘅藍色咖喱飯,絕對係呃like之選。

呢間cafe叫Lava Cafe,位於山梨縣富士山世界遺產中心,佢哋上年4月推出勁有創意嘅藍色富士山咖喱飯,售價係1000円(約港幣$72),官網上描述呢個藍色富士山咖喱飯:「複製出真正嘅富士山,全日本只有喺呢度可以試得到!」

富士山世界遺産センター FacebookPhoto from 富士山世界遺産センター Facebook

本身藍色咖喱已經好有吸引力,再加上咖喱飯嘅造型好似成座富士山咁,打卡必嗌啊!

由於藍色富士山咖喱飯反應好好,Lava Cafe喺2019年開始,加推「紅色富士山咖喱飯」,加入咗辣椒粉同葡萄汁,重現咗夕陽染紅富士山嘅風景,「紅色富士山咖喱飯」嘅售價係1500円(約港幣$107)。

富士山世界遺産センター FacebookPhoto from 富士山世界遺産センター Facebook

今年2月更推出埋10人份、重達5.5公斤嘅大胃王版本「開運赤富士」,只要喺37分鐘76秒(即係38分16秒,取自富士山海拔高度3776米)之內食晒成個飯就可以免費,不過留意要挑戰「開運赤富士」需要提早預約㗎!

富士山世界遺産センター FacebookPhoto from 富士山世界遺産センター Facebook

除咗咖喱飯,又點少得甜品。Lava Cafe有高達37.76cm 嘅超厚Pancake山(數字同樣取自富士山海拔高度3776米),附上忌廉、黑糖漿、士多啤梨醬、芒果醬、仲有有豐富果肉嘅桃醬配搭食用,售價係5000円(約港幣$358),每碟大概有8至9件厚底Pancake,取決於每件Pancake高度嘅差異,但一定會維持喺37.76cm!

富士山世界遺産センター FacebookPhoto from 富士山世界遺産センター Facebook

富士山世界遺産センター FacebookPhoto from 富士山世界遺産センター Facebook

同樣只要喺37分76秒(即38分16秒)內食晒就可以免費。由於Pancake每日限量發售,所以想挑戰限時食Pancake嘅話記得打電話預約啊!

Lava Cafe仲有其他食品可供選擇,包括熱狗、各款刨冰、普通咖喱飯、普通Pancake、各式飲品,可以滿足唔同人嘅需要~

富士山 LAVA CAFEPhoto from 富士山 LAVA CAFE

依家仲有即食咖喱賣添!售價係1600円(約港幣$114),就算喺屋企都整到富士山咖喱飯喇!買嚟做手信都唔錯,夠晒特別~

富士山世界遺産センター FacebookPhoto from 富士山世界遺産センター Facebook

富士山世界遺産センター FacebookPhoto from 富士山世界遺産センター Facebook

以後去富士山一邊食全藍色嘅富士山咖喱飯,一邊欣賞富士山景色,真係一大享受啊!

富士山 LAVA CAFE(ラヴァカフェ)

地址:山梨県南都留郡富士河口湖町船津6663-1

Text: Holiday Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel