【長命百二歲】方東昇再玩食字爆金句:世界最遠嘅空間 係進步空間

【長命百二歲】方東昇再玩食字爆金句:世界最遠嘅空間 係進步空間

生活熱話
ByIvory on 19 Feb 2019

由方東昇同幾個TVB新聞主播一齊主持嘅《長命百二歲》上輯成績非常好,唔單止有教育意義,更有方東昇嘅爛Gag 加持,深受唔少觀眾歡迎。

《長命百二歲2》
Photo from 《長命百二歲2》

TVB琴日就開始播《長命百二歲2》,繼續有方東昇坐鎮。上一輯留咗喺亞洲,呢一輯就衝出亞洲,去歐洲。第一集就介紹擁有好多世界第一嘅荷蘭。荷蘭有失智村、更有失智農場。方東昇繼續大搞爛gag、大玩食字、大爆金句!

《長命百二歲2》
Photo from 《長命百二歲2》

方東昇同老人打網球打到「索曬氣」,自認自己球技差,相信自己由依家開始練習,老嘅時候會打得好過佢哋班老友紀,然後就爆咗句:「世界最大嘅空間,就係進步空間!」

《長命百二歲2》
Photo from 《長命百二歲2》

《長命百二歲2》
Photo from 《長命百二歲2》

去到有好多風車嘅地方嘅時候,佢嘅拍檔黃曉瑩話:「點解咁大風,啲風車都係郁都唔郁?」
「再鋒利嘅刀都有生鏽嘅一日;再厲害嘅風車都有停落嚟嘅一日!」

《長命百二歲2》
Photo from 《長命百二歲2》

見到失智農場咁大,咁空曠,方東昇不禁有個疑問:「畢竟失智事小,失蹤事大!」

《長命百二歲2》
Photo from 《長命百二歲2》

失智農場負責人向佢表示曾經有老人家蕩失路,但佢哋認為,如果怕佢哋蕩失路就困住佢哋,佢哋會更想出走。而且佢哋相信:「寬闊嘅農場,點都好過四幅牆!」

當其中一位失智老人Wille捉住黃曉瑩喺雨中忘我咁跳舞嘅時候,佢感慨咁講:「忘記有忘記嘅好,佢嘅世界唔再有煩惱,可以喺雨中翩翩起舞。」

《長命百二歲2》
Photo from 《長命百二歲2》

廣告
廣告

《長命百二歲2》
Photo from 《長命百二歲2》

《長命百二歲2》
Photo from 《長命百二歲2》

 

失智老人村嘅老人自己餐飯自己煮~有人話:「長者服務應該係有『溫度』嘅服務」,但方東昇認為唔係必然,仲突登用熱茶令自己眼鏡產生霧氣,帶出「溫度」嘅意義:「喺呢度菜未必有菜味,魚未必有魚味,但佢嘅服務一定有人情味。」

《長命百二歲2》
Photo from 《長命百二歲2》

之後佢有介紹一間「老人酒店」-生命公寓,嗰度嘅職員唔會成日幫佢哋做嘢,因為佢哋相信老人家自己有能力做得到,根本唔需要幫手:「翹埋雙手,其實已經係幫手!」

《長命百二歲2》
Photo from 《長命百二歲2》

《長命百二歲2》
Photo from 《長命百二歲2》

《長命百二歲2》
Photo from 《長命百二歲2》

中間佢仲同拍擋上演一場香港公屋街坊借豉油嘅「喜劇」添~最後拍檔黃曉瑩「急口令」式讀出荷蘭嘅諺語:「錢可以買到屋,但買唔到家庭;錢可以買到錶,但買唔到時間;錢可以買到床,但買唔到睡眠;錢可以買到書,但買唔到知識;錢可以買到醫療,但買到唔到健康;錢可以買到地位,但買唔到尊重;錢可以買到血液,但買唔到生命!」口才令人嘆為觀止!而方東昇喺拍檔唸緊嘅時候,不斷跟住拍檔讀嘅節奏搖頭,為拍檔「打拍子」,係「認真咁搞笑」!

《長命百二歲2》
Photo from 《長命百二歲2》

《長命百二歲2》
Photo from 《長命百二歲2》

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook