只剩荃灣店喇！係集體回憶呀 旺角貼紙相店「青春無限」月底結業 2月27最後一日營業

一提到貼紙相，相信唔少80、90後一定唔會陌生。不過自即影即有同智能手機普及後，就愈嚟愈少人影喇！

Photo from 青春無限貼紙@Facebook

繼早前貼紙相機公司宣佈破產之後，呢日香港僅存有得影貼紙相嘅「青春無限」亦宣佈其旺角店只做埋依個月，27日最後一日畀大家影相，2月28日就會結業。

Photo from 青春無限貼紙@Facebook

據知今次旺角店結業係因為租約期滿，而佢哋喺荃灣嘅分店依然會照常營業。所以並唔係完全冇得影，不過要影嘅話就只有去到荃灣新之城喇！

消息公布後，網民紛紛留言大嗌不捨，仲加上流淚嘅Emoji添：「青春有限」、「青春的回憶啊！！！好唔捨得……」、「再唔去就冇機會了」。

Photo from 青春無限貼紙@Facebook

有唔少人仲相約朋友話要喺限期前再去留影話「要去影就快啦，好唔捨得啊」、「未同你影過」、「著校服去」、「帶幾套衫去影」，懷愐青春歲月之餘，最後一次影貼紙相。

Photo from 青春無限貼紙@Facebook

如果大家都想留番個紀念嘅話，就記得好好把握時間喇！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）