文具控必睇！2019日本文具大賞 小心又唔覺意被「燒親」呀

相信唔少人都試過見到靚嘅文具都會心郁郁想買！而早前日本就公佈咗2019年日本文具店大賞（文房具屋さん大賞） 名單，得獎嘅文具唔單止外表就連用途都令人心動，身為文具控嘅你又點可以錯過呢！？

Photo from shutterstock

［總大賞］GLOO 方形漿糊筆

依支由KOKUYO與日本設計工作室合作研發的「GLOO 方形漿糊筆（GLOO スティックのり）」成為稱霸2019日本文具界。方形嘅設計有別於一般嘅漿糊筆，令用家更方便塗喺紙張嘅邊位同角位。

Photo from fusosha.co.jp

另外，方形嘅外形設計仲可以避免漿糊筆四處滾動添！

［設計賞］MONO Gragh GRIP model 鉛芯筆

日本蜻蜓牌嘅「MONO Gragh GRIP model鉛芯筆（モノグラフグリップモデル）」除咗可以按壓筆夾出芯，還可以將筆芯搖出來，只要輕輕一搖筆桿，筆芯就會自己跑出嚟。

Photo from fusosha.co.jp

至於筆夾部分就改為金屬物料製成，令整體嘅耐用度大大提升。

［機能賞］SAILOR 長刀研鋼筆

「長刀研」係指日本長刀嘅打磨技巧，而SAILOR則將依個技術應用喺鋼筆筆尖上面。

Photo from fusosha.co.jp

有別於傳統鋼筆，「SAILOR長刀研鋼筆（長刀ふでDEまんねん）」 嘅弧形筆尖設計令用家可以巧妙地變換角度勾勒出粗細不同嘅線條，表現出漢字嘅筆畫結構。

［創意賞］Kanmido 紙膠帶隨身筆 maco

Kanmido嘅「紙膠帶隨身筆 maco（ペンサイズのマスキングテープホルダーmaco）」可以話係文具控嘅福音。

Photo from fusosha.co.jp

只要一筆在手，就可以解決因紙膠帶不便攜帶而被囤積嘅煩惱。筆內有四個小紙軸，讓你可以將喜歡嘅紙膠帶分裝，方便隨身攜帶。而筆身仲設有切割口，方便撕貼。

［便條紙賞］古川紙工 和紙便條紙

由古川紙工出品嘅便利紙以日本最具代表性嘅美濃和紙製成，質量有一定嘅保證。

Photo from fusosha.co.jp

最開心係便利紙嘅包裝同街外販賣嘅袋裝麵包一樣，像真度極高。

［紙膠帶獎］Mark’s 水性筆可寫紙膠帶

要喺眾多紙膠帶中獲獎，就必需才貌兼備。

Photo from fusosha.co.jp

Mark’s嘅紙膠帶表面經過特殊加工，避免書寫於紙膠帶嘅水性墨水出現脫落、暈開嘅問題。圖案與圖案之間還有隱藏裁切線，方便撕下。

［擦膠賞］Zi 磁石集屑型擦膠

唔少鍾意用擦膠嘅人，都會遇到過依個問題，就係一定會有好多擦膠屑。而有潔癖嘅朋友一定會好鍾意以下呢個由KUTSUWA嘅擦膠，因為有咗佢就可以輕輕鬆鬆將擦膠屑收拾得一乾二淨。

Photo from fusosha.co.jp

點解可以咁，因為呢個擦膠中含磁性嘅鐵粉，只要利用擦膠尾端嘅磁鐵機關，就可以將擦膠屑全部吸走。

［筆袋賞］Sonic 直立式筆袋SMA ·STA pen-case

講到筆袋，睇外表就好似好平凡，但內裡其實一點都唔簡單。

Photo from fusosha.co.jp

Sonic嘅直立式筆袋SMA·STA pen-case（スマ・スタカーム 立つペンケース）除咁可以充當筆筒，仲可以變身為手機架，方便立於桌上取出物品。

［便籤賞］Kanmido 索引便籤nokoto

Photo from fusosha.co.jp

Kanmido索引便籤嘅黏貼部分採用咗透明材質，咁就唔會遮擋咗文件夾中嘅資料而影響可閱性。另外，便籤黏貼處設計成夾子形狀，令便籤唔會因黏性不足而輕易掉落。

［收納賞］SMART FIT ALTNA文具架

每次搵嘢都倒晒出嚟先搵到？咗呢款SMART FIT ALTNA文具架（SMART FIT ALTNA キャリングプレート）」就啱晒你嘢。

Photo from fusosha.co.jp

多個口袋設計，可以方便分類收納，拎出嚟仲可以變成站立式置物架，認真實用呀！

Source: Fusosha

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）