遊日掃貨～日本藥妝店手信推介！舒緩痛症暖暖環保小物！經期肚痛、肩頸不適、有黑眼圈、都用得？！

By 123testing on 27 Feb 2019

大家去日本旅遊，好多時都會去藥妝店掃貨！大部份貨品比出而平之餘，有好多選擇，由外到內都照顧到。而呢一樣手信，CP值高，好值得留意！

以前冬天嘅時候，炭粉暖包好受歡迎，進化到宜家，蒸氣眼膜熱眼貼深受女生喜愛，特別係有黑眼圈或者瞓得唔好嘅人士。雖然眼膜有多種氣味可以選擇，但係呢啲炭粉用品用完一次就掉，好浪費又唔環保！
但係以下嘅產品，只要配合某種電器就可以重用，而且有好多唔同款式揀添！

Photo from Shutterstock

小編要介紹嘅，就係嚟自「桐灰化学株式会社」嘅「小暖包」！「桐灰」都有炭粉暖包出售，但呢啲「小暖包」有唔同功效，仲可以循環再用！
喺呢個包入面有紅豆喺入面，加熱左之後會釋放天然蒸氣，俾大家暖敷患處，可以敷眼、敷面、肚、膊頭都得，好舒服嫁！

Photo from 桐灰化学株式会社官網

1）天然蒸氣眼罩（780円，約$57）
返工做左成日野，喺咁對住個mon，對眼會好攰！用呢個眼罩熱敷，可以幫對眼放鬆一下，好似做SPA咁！如果有黑眼圈，用眼罩敷可以促進血液循環，有幫肋減黑眼圈～
(使用方法：微波爐加熱（500W-40秒；600W-30秒），可敷大約 5分鐘）

Photo from 桐灰化学株式会社官網

2）天然蒸氣腹部暖包（1100円，約$80）
呢個好啱送俾女朋友！因為女仔每個月都有幾日個肚啱舒服，除左可以飲多啲暖水、薑茶之外，仲可以敷埋呢個「暖肚包」減輕痛楚！呢個「暖肚包」好貼心，分低溫同高溫2面，啱唔同人嘅需要～
(使用方法：微波爐加熱（500W-60秒；600W-50秒），可敷大約 20分鐘）

Photo from 桐灰化学株式会社官網

3）天然蒸氣肩頸暖包（1650円，約$120）
返工返學孭重野或者姿勢唔好，好易搞到肩頸勞損！鎮痛貼唔知邊隻好，又唔係好有效～咁不如試下用呢個肩頸暖包熱敷一下，熱敷有助血氣運行，中醫亦有熱灸嘅療法。而暖包中，大量嘅豆有重量墜力，幫助熱敷痛症，舒緩得更好！
(使用方法：微波爐加熱（500W-2分鐘；600W-1分50秒；700W-1分30秒），可敷大約 25分鐘）

Photo from 桐灰化学株式会社官網

4）天然蒸氣面罩（1650円，約$120）
香港空氣唔好，工作壓力又大，好易搞到身體差、面色又差！每晚臨瞓前，用呢個面罩敷下，可以促進成塊面嘅血液循環～卸完妝、洗完面，搽完護膚品之後敷，有助皮膚吸收護膚品嫁！獨特嘅5角形設計令面罩更貼面，中間仲留症口、鼻呼吸嘅位置，好貼心～
(使用方法：微波爐加熱（500W-40秒；600W-30秒），可敷大約 10分鐘）

Photo from 桐灰化学株式会社官網

除左以上嘅紅豆天然蒸氣產品，另一樣特別暖包都好值得留意！相信有好多人都聽過中醫嘅艾灸治療，而呢個暖包就仿效左呢種療法，令大家可以喺屋企都可以享受到艾灸！呢個「艾草暖包」（1100円，約$80）入面放左礦物、黃土同艾草香料，加熱之後發出遠紅外線，特別適合月經會肚痛不適嘅女仔！不過暖包因為加入左香料，所以會有啲特別嘅香味，未必個個接受到～
(使用方法：微波爐加熱（500W/600W30秒），大約 20分鐘維持 40度熱敷肚臍，可重覆用約90次）

Photo from 桐灰化学株式会社官網

以上天然蒸氣系列嘅暖包都可以重覆使用，一個大概可以用250次嫁！只可以用微波爐加熱，亦要避免增長加熱時間，以免損壞或者燙傷～呢份手信，最啱用嚟買俾關心嘅人嫁！
小編見到東京同大阪嘅藥妝店都有得賣，而且比官方售價平少少，不過唔係個個款或者間間都有，去到可能要碰下運氣喇！
*產品需經加熱程序，帶有燙傷危險性，小心處理
*產品效果因人而異，若用後不適請立即停止使用