細數5對娛樂圈模範夫妻!郭藹明 劉青雲:無辦法,遇上佢我只能夠投降。

細數5對娛樂圈模範夫妻!郭藹明 劉青雲:無辦法,遇上佢我只能夠投降。

時事熱話 生活熱話
By Jackie on 01 Mar 2019
Digital Editor

好多人視「婚姻」為愛情長跑嘅終點,但同樣亦係二人新生活嘅起點。要維繫一段美好嘅婚姻絕對唔容易,特別係公眾人物,無論大小事都有機會被傳媒報導甚至炒作,不過圈中當然仲有好多甜到漏情侶同夫妻啦!小編就為大家盤點出以下5對圈中模範夫妻,真係Sweet到就算畀佢哋大放閃光彈都唔會討厭,仲可以一齊向佢哋取下經添!


在 Instagram 查看這則貼文

劉青雲 刘青云 Sean Lau(@lauchingwan)分享的貼文 張貼

1. 劉青雲 郭藹明 - 愛不但要講出口,亦要用行動證明自己做得到
劉青雲同郭藹明呢對結婚已超過20年嘅模範夫妻,鏡頭前後都非常恩愛,劉青雲不時仲會大爆「冧妻金句」,仲記得最經典係2015年,劉青雲憑《竊聽風雲3》贏得香港電影金像獎頒獎禮「最佳男主角」時,忍淚講:「我要多謝我太太,每次當我揸住隻太空船,飛到去宇宙唔知邊一度嘅時候,你總係有辦法,令我好安全咁返嚟地球,多謝!」,觀眾聽到骨都痺埋,而郭藹明直情感動到落淚啊!


在 Instagram 查看這則貼文

劉青雲 刘青云 Sean Lau(@lauchingwan)分享的貼文 張貼

喺鏡頭後佢哋都依然恩愛,劉青雲同郭藹明20年嚟風雨不改,每年都會為對方親手寫聖誕卡,即使相處得耐都會為對方製造小驚喜。而且劉青雲不時會陪郭藹明行街市,陪對方做鍾意嘅事。相信呢啲都係佢哋恩愛多年嘅小秘訣!


在 Instagram 查看這則貼文

劉青雲 刘青云 Sean Lau(@lauchingwan)分享的貼文 張貼

2. 張繼聰 謝安琪 - 結婚多年亦不忘為對方製造浪漫驚喜
今個情人節嘅全城熱話,可謂張繼聰現身海傍,向謝安琪自彈自唱《每天愛你多一些》啦!二人結婚12周年,至今除咗常放仔囡嘅搞笑生活點滴上IG外,仲不時大曬恩愛!張繼聰呢個「愛妻號」真係當之無愧!


在 Instagram 查看這則貼文

張繼聰 Louis(@louischeung2013)分享的貼文 張貼

二人忙於湊仔囡、發展工作外,仲不忘花時間陪伴對方,為對方多花心思。Kay新歌派台,張繼聰會為Kay宣傳,Kay拍劇集張繼聰都會準時收睇。而今年情人節除咗當眾唱情歌,張繼聰仲喺IG放同Kay「撐檯腳」嘅合照,而最Sweet係Caption一句:「A successful marriage requires falling in love many times ,always with the same person」,意指「一段成功的婚姻是需要與同一個人不斷墮入愛河」,真係好Sweet啊!


在 Instagram 查看這則貼文

張繼聰 Louis(@louischeung2013)分享的貼文 張貼

3. 張智霖 袁詠儀 - 忙碌工作中,亦要花時間陪伴對方
張智霖當年一首《未婚妻》,其實係Chilam向黃偉文懇求下,送畀袁詠儀嘅一首歌!二人結婚18年,其實張智霖喺仲未真正認識袁詠儀時已愛上佢,不時為自己製造機會與袁詠儀踫面。難怪張智霖喺《未婚妻》一曲提到:「但旁人始終不會明 盟約是著重在心境 早已認定是對方 亦不必一張紙定情」


在 Instagram 查看這則貼文

張智霖 Chilam(@cheung_chi_lam)分享的貼文 張貼

而即使結婚多年,張智霖同袁詠儀都會花心思慶祝周年紀念,上年二人飛往馬來西亞慶祝,而今年則到北海道滑雪!所以喺忙碌中願意花時間同對方相處真係非常重要,唔可以因工作而忽略身邊重要嘅人啊!

廣告
廣告

在 Instagram 查看這則貼文

袁詠儀 靚靚(@anitayuenwy)分享的貼文 張貼

4. 陳小春 應采兒 - 學會「冷靜、退讓、坦白、用心聆聽」
陳小春同應采兒經常甜蜜現身內地綜藝節目,二人結婚8年,相處方式非常特別,就好似一凹一凸互補不足,應采兒令陳小春改變好多火爆脾氣及壞習慣,而陳小春嘅霸氣亦令剛強嘅應采兒,可以喺身邊做個被疼愛嘅幸福小女人。


在 Instagram 查看這則貼文

應釆兒(@yingcaier)分享的貼文 張貼

雖然二人相差16年,不過生活上依然非常甜蜜,自Jasper出世後常於節目亮相,唔少觀眾都認為陳小春同Jasper外貌「成個餅印」一樣啊!應采兒曾話過同陳小春係一對「脾氣火爆嘅夫妻」,不過會識得喺衝突中作出退讓,以免鬧得一發不可收拾,待大家冷靜落嚟,先互相表達自己內心想發同感受,相信呢個亦係兩公婆相處之道。


在 Instagram 查看這則貼文

應釆兒(@yingcaier)分享的貼文 張貼

5. 苗僑偉 戚美珍 - 重要是歷經高山低谷,仍能攜手面對
苗僑偉同戚美珍結婚29年,從未傳出半點緋聞,喺圈中有「三哥」、「三嫂」之稱,亦係圈中數一數二嘅模範夫妻。苗僑偉現年60歲,至今仲會喺周年紀念放相大曬恩愛,真係搞笑得嚟又Sweet到爆!


在 Instagram 查看這則貼文

Michael Miu(@michaelkiuwaimiu)分享的貼文 張貼

最近苗僑偉仲公開表白,表示「我在外面打拼,謝謝老婆陪我度過每一個寒冬」,三嫂肯定冧爆啦!結婚將近30載依然深愛對方,雖然非一帆風順,曾經歷長時間冷戰期,分開期間二人均有另一伴侶。而拍拖期間都經常鬧交,不過最後仍然能一齊走到終點。


在 Instagram 查看這則貼文

Michael Miu(@michaelkiuwaimiu)分享的貼文 張貼

所以愛情係一門需要終生學習嘅學問,鬧交有時、失意亦有時,最緊要係大家都有互相了解嘅心,即使經歷高低跌盪,都依然要記住當初相愛嘅原因啊!

Text: Holiday Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel