蔡卓妍感恩成長中有鄭伊健伊健播同啊Sa嘅片段啊Sa:真係感動到想喊！

By Ivory on 01 Mar 2019

Digital Editor

琴晚《Along with Ekin live concert 2019》鄭伊健演唱會上演兄弟溫馨重聚！鄭伊健浩南哥上身，而佢啲兄弟就逐個登場：林曉峰（包皮）、謝天華（大天二）、陳小春（山雞）、錢嘉樂（大頭仔），引起全場哄動，氣氛急升！

Photo from 《鄭伊健演唱會》

唔少圈中好友都專登去捧場！蔡卓妍身為佢嘅「未夠秤老婆」，梗係要支持「老公」啦！仲喺IG上載咗當年拍《我老婆未夠秤》嘅劇照，多謝鄭伊健（嘅歌）陪伴佢成長！「張十三！好叻啊你！多謝你唱咗我最鍾意嘅『內傷』好感動啊！想當年呢首歌....仲有唱『吻感』時嘅片段。所有歌都記載咗我成長中唔同嘅故事！多謝你！」

Photo from IG@choisaaaa

啊sa點唱「內傷」，伊健有求必應！而伊健唱「吻感」嘅時候，就播放同啊Sa嘅片段，令啊Sa大為感動！伊健2002年同啊Sa拍《我老婆唔夠秤》時種下嘅友誼，一直延續至今！鄭伊健心中住咗一個「Yo Yo Ma」（馬淑玲-蔡卓妍喺套戲入面嘅角色），睇得出伊健好錫啊Sa。而佢生命中亦有一個YoYo Mong(蒙嘉慧），睇嚟佢對「YOYO」有個情意結！

在 Instagram 查看這則貼文

張十三！好叻呀你！多謝你唱咗我最鍾意嘅「內傷」！??好感動呀！想當年呢首歌⋯⋯??仲有唱「吻感」時嘅片段???? 所有歌都記載咗我成長中唔同嘅故事！多謝你❤️ #來忘掉錯對來懷念過去曾共渡患難日子總有樂趣 #同中學bestfriend一齊由頭唱到尾 #點解可以咁有型 #點解仲靚仔過以前 #點解點解點解 #最後張相仲記唔記得 #想當年 ?? #十三張 #yoyoma ??‍♀️ @ekin_cheng_official #alongwithekinliveconcert2019

Charlene Choi（@choisaaaa）分享的貼文於 PST 2019 年 2月月 28 日下午 7:52 張貼

林曉峰、謝天華、陳小春、錢嘉樂佢哋上台大唱《黃金兄弟》主題曲「一起衝一起闖」，感覺非常熱血，現場聽會係更加感動！聽到佢哋5個一齊唱「一起衝一起闖」嘅時候，加上現場轟鳴嘅音樂聲音，嗰種5個兄弟齊上齊落、「有福同享有難同當」嘅熱血，真係好震撼，聽到起雞皮咖！

在 Instagram 查看這則貼文

感動 . 感謝黃金兄弟 ???????? #做兄弟有今生有來世 #一起衝一起闖 #能同苦能同甘 #陳小春 #錢嘉樂 #林曉峰 #謝天華 #alongwithekinliveconcert2019 #5thshow

Ekin Cheng (official)（@ekin_cheng_official）分享的貼文於 PST 2019 年 2月月 28 日上午 10:55 張貼

「浩南哥」仲同班兄弟唱自己金牌「友誼神曲」-友情歲月！「來忘掉錯對，來懷念過去，曾共渡患難日子仲有樂趣...」，唱完一齊做「體現團隊精神」嘅手勢（一人伸出一隻手放喺中間，然後數3聲「Ush」！），並為伊健加油打氣，完美體現呢班「兄弟」嘅深厚感情！呢啲咁熱血嘅畫面，頓時令成個紅館氣溫急升，個個熱血沸騰，嗨爆全場！