年度燒腦電影《密室逃殺》！超懸疑劇情～層層推進愈睇愈緊張！

密室逃脫呢類片其實真係拍極都唔厭，
而即將係下星期上映嘅《密室逃殺》，係美國首週票房超過1,800萬美元！
可見橋唔怕舊，只要你受呀！

以往密室逃脫嘅電影唔少都非常成功，
好似經典逃脫電影《恐懼鬥室》或者係史泰龍嘅《逃亡大計》咁樣，
今次呢套《密室逃殺》直接了當，一黎就話你聽幾個主角已經被困密室！

值得欣賞嘅係，呢套《密室逃殺》非常燒腦，主角們要不停係間房度搵線索，
無多餘嘅劇情拖拖拖拉拉，令到成套電影都非常緊張！

而且逃脫嘅房間總類都有好幾個，呢一秒鬆一口氣以為佢地成功解謎，
下一秒另一間房又要迎接第二個挑戰！而且每間房主題都各有不同，無重覆性，非常新鮮！

而且電影去到尾聲發現大家都身世相同，伏線都鋪得唔錯～
唯一小挑剔就係呢個伏線其實可有可無。
不過開放式嘅結局就暗示會有第二集，希望唔好拍到爛啦⋯

女主角Taylor Russell演技唔錯，雖然角色一開頭比較不討好，
但到後期都有發揮主角魅力，如果真係推出第二集，希望仲keep到水準！

溫馨提示，套導無血腥鏡頭～怕血都可以入場睇！

（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）