連續16年登上日本溫泉100選首位 全年白霧瀰漫草津溫泉 傳統日式建築

雖然香港嘅冬天唔算係超級凍，但係特別凍嘅嗰幾日都足以令人離唔開個被竇同埋好想沖個勁熱水涼。如果住喺日本你話幾好，冬天嘅時候，得閒就去浸吓溫泉。今次想講嘅呢間溫泉係已經連續16年榮登日本溫泉100選首位嘅草津溫泉。

大家都知日本真係好多溫泉，而喺芸芸嘅溫泉入面，能夠連續16年當選top 1係幾咁唔容易嘅事！講緊嘅就係呢個位於日本關東地區群馬縣，距離東京3個鐘車程嘅「草津溫泉」啦！

先講講草津溫泉入面非常出名嘅景觀，亦係最大嘅泉源「湯畑」，佢就正正喺草津溫泉街正中心，因為溫泉嘅湧泉溫度非常高，高達98度，所以基本上全年所有時間都可以見到湯畑係白霧瀰漫嘅景況，簡直係人間仙境，好夢幻啊！

湧出嘅高溫泉水沿住導水管，兌水冷卻後輸送到溫泉街各個旅館同公共澡堂。

湯畑旁邊有個泡足湯，而且係免費㗎！可以一路浸腳一路望住呢片白煙景色。

草津溫泉已經有1000年歷史，草津嘅硫磺強酸溫泉水嘅健康同美容功效非常顯著，一直被視為日本最優良嘅泉水。

草津溫泉位於深山，搭JR到長野原草津口站之後，需要再轉搭巴士，一出JR站就會見到巴士站啦～

Photo Source: Pinterest

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編