download HolidaySmart 假期日常 app
史上第一登山狗!浪浪尾隨登山隊 成首隻狗狗登上喜馬拉雅山!

史上第一登山狗!浪浪尾隨登山隊 成首隻狗狗登上喜馬拉雅山!

時事熱話 生活熱話
By Jackie on 08 Mar 2019
Digital Editor

登山都好多人而言都係一種極限挑戰,特別係處於一個唔熟悉嘅地方,要顧及身體狀況隨環境轉變之外,天時地利人和都成關鍵之處。而擁有最多高峰嘅喜馬拉雅山山脈,算係大部分登山挑戰者嘅目標。近日就有一登山隊成功登上海拔7千多米嘅Baruntse山峰,除此之外,一隻尾隨嘅流浪狗都挑戰成功,成為史上第一登上此高峰嘅狗!

FB@Don.wargowskyPhoto from FB@Don.wargowsky

喜馬拉雅山脈聳立於西藏高原,橫跨尼泊爾、中國、印度、不丹及巴基斯坦5個國家,山峰高度平均海拔6千米,其中有40座高峰則海拔7千米以上,而Baruntse山峰係其中一座達7千米級別嘅山峰。

FB@Don.wargowskyPhoto from FB@Don.wargowsky

呢隻流浪狗於尼泊爾居住,可能因習慣生活於高海拔地方,登山時完全無高山反應,而且仲可以活躍地亂跑亂走。喺去年11月,有一行10人嘅登山隊打算喺攀登Baruntse前,先完成一座Mera Peak,當中有隻黑色長毛流浪狗走向佢哋,而且仲緊緊尾隨隊長旁邊,其後登山隊員決定畀呢隻流浪狗加入,成為佢哋嘅「登山隊員」。

FB@Don.wargowskyPhoto from FB@Don.wargowsky

不過登山路絕對唔容易,好多地方都係懸崖峭壁,仲要跨越一個個冰川以及山坡,加上海拔隨之而慢慢上升,身體難免越加吃力。不過呢隻浪浪彷彿擁有一顆堅定嘅決心,再難行嘅路都成功畀佢一一走過。

FB@Don.wargowskyPhoto from FB@Don.wargowsky

有一次因為地勢險峻,即使係人行都有困難,莫講話要照顧同行犬隻,所以登山隊決定將浪浪綁喺營地。點知呢隻充滿無比意志嘅浪浪咬斷繩索,隨即跟上登山隊,登山隊員見到浪浪嘅意志,協力幫助牠順利渡過一個又一個難關。

FB@Don.wargowskyPhoto from FB@Don.wargowsky

當登山隊同浪浪上到海拔6千多米,浪浪意外地摔斷腳甲,流血不止。不過浪浪面對傷患,都唔當係一回事,仍然憑信心繼續前行,浪浪就好似搵到自己目標同去向一樣,無懼任何阻攔,堅決與登山隊同行,最後成功攀上7千米高峰。

FB@Don.wargowskyPhoto from FB@Don.wargowsky

浪浪同登山隊一同登頂,成為史上第一狗登上Baruntse高峰。正常情況下一般人於海拔約3-4千多米急步行,已經有機會出現高山反應,而動物都一樣,而且犬隻習慣奔跑,遇上高山症時同人一樣都會出現頭暈、嘔吐、疲勞症狀。不過呢隻登上浪浪完全無以上問題,而且登山時充滿自信,有唔少人都認為可能同藏獒基因有關。

FB@Don.wargowskyPhoto from FB@Don.wargowsky

而浪浪最後得探險隊基地陣營嘅領隊Kaji收養,並改名為Mera,與Mera Peak同名。Mera靠自己嘅意志感動人,領隊Kaji給牠一個家,從此唔需要再四處流浪,Mera亦給予所有登山隊成員一個鼓勵、決心與希望。

圖片來源:FB@Don.wargowsky

Text: Holiday Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel