委內瑞拉危機加劇 全國大停電5日！全市極度混亂 各種掠劫、殺人、強暴 彷如飢餓遊戲

委內瑞拉係南美洲北部嘅熱帶國家，
過去幾年馬杜洛政府為大量加印貨幣，導致通貨膨脹令玻利瓦爾幾乎一文不值！
物價飛漲令入口貨品價格飛升，食物同藥物短缺，更爆發大規模饑荒。
過去3年就有230多萬委內瑞拉人逃亡離開到鄰近國家，成為南美洲現代史上最大規模嘅難民潮。

Photo from 路透社
係2019年嘅總統地位危機令情況更加惡劣，
雖然統一社會主義黨領導人Nicolás Maduro係2018年總統選舉成功連任，並得到中華人民共和國、俄羅斯支持。
但受到委內瑞拉反對黨領袖、全國代表大會議長Juan Guaidó通過反對派掌握國會單方面宣布成為委內瑞拉臨時總統！並得到美國、利馬集團、美洲國家組織以同歐洲聯盟等國家同國際組織嘅支持同承認。
雙方互相不承認對方地位，令到政局不穩陷入混亂！
Photo from 路透社
委內瑞拉東部湖區嘅古里水力發電廠，7號開始突然「無預警癱瘓」。
令到呢個國家危機加劇，全國近七成地方都受影響！

Photo from 路透社

係停電呢段時間，市民日頭上街遊行抗議，夜晚就上演各種搶奪資源嘅戲碼⋯⋯
除咗犯罪無政府狀態之外，各種食物、飲水、醫療服務等等都非常短缺。
唔少人為咗生存都唯有搶奪物資，唔少超市生活用品都被洗劫。

Photo from 路透社

圖中為清晨被逮捕、排係地上嘅「搶奪者」。

Photo from 路透社

委內瑞拉唔少景點本身都好靚，搞成咁真係好可惜。
大家記得如果要去南美洲，都要小心啲呀！

（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）