【哈利波特版《Pokemon GO》】Harry Potter AR手機遊戲畫面公開！今年內推出！喺街上同催狂魔對戰

由Niantic 同WB Games共同開發嘅全新AR手機遊戲《Harry Potter:Wizards Unite》公開咗遊戲玩法同畫面。

之前推出嘅AR遊戲《Pokemon GO》，風靡全球，引起一股捉小精靈熱潮，今次開發商推出嘅哈利波特AR手機遊戲引嚟外界關注。

喺遊戲中，玩家化身做保密法特別小組嘅巫師，負責消除所有喺麻瓜世界中出現嘅魔法痕跡，務求唔好俾麻瓜知道魔法世界嘅存在。

Photo from 《Harry Potter:Wizards Unite》官網

玩家嘅任務包括捉住走甩嘅魔獸、對戰黑巫師、擊敗催狂魔等敵人、保護麻瓜唔好受黑巫師等嘅傷害。

Photo from 《Harry Potter:Wizards Unite》官網

Photo from 《Harry Potter:Wizards Unite》官網

Photo from 《Harry Potter:Wizards Unite》官網

遊戲玩法同《Pokemon GO》相近，AR相機會將敵人投射喺現實世界之中，玩家要消耗魔法能量使出唔同嘅法術或者唸咒語，消除呢啲屬於魔法世界嘅嘢。

Photo from 《Harry Potter:Wizards Unite》官網

Photo from 《Harry Potter:Wizards Unite》官網

玩家亦要收集唔同嘅材料補充魔法能量，同合成魔法藥劑。今次地圖入面仲有唔同嘅特定地點，例如旅館、溫室、堡壘，可以觸發唔同嘅故事情節。

比《Pokemon GO》更進一步嘅係，玩家可以利用鎖鑰（Portkey）直接從AR現實畫面切換到虛擬空間，體驗電影嘅經典場景，例如《哈利波特》入面嘅魔杖店「Ollivander's Wand Shop」。

Photo from 《Harry Potter:Wizards Unite》ig

玩家仲可以揀自己嘅職業，包括Magizoologists（奇獸飼育學家）、Aurors（正氣師）以及Professors（教授），唔同職業嘅法術相對都有所不同。

Photo from 《Harry Potter:Wizards Unite》官網

呢款手機遊戲預計今年內就可以喺iOS同Android系統上下載，遊戲更支援19種語言，包括繁體中文。

哈利波特fans必玩！喺街上捉玻璃獸真係不是夢！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）