香港都食到！10款日本Muji人氣暢銷零食 千層蛋糕/法式曲奇/魷魚乾小吃你又食過幾多款？

向來主打簡約生活嘅無印良品喺文具家品方便一直大受大眾喜愛，其實佢哋嘅零食都好受觀迎㗎！有唔少喺日本仲係人氣暢銷商品嚟，有唔少喺香港嘅門市都可以買得到。

Photo from shutterstock

小編今次就綜合咗以下依10款可以喺香港都搵得到嘅人氣零食畀大家揀，當中鹹甜零食都有，等大家下次經過時又想食零食時可以買嚟試吓。

Photo from Muji

1.白朱古力士多啤梨

香甜幼滑嘅朱古力包住士多啤梨乾，有白朱古力、宇治抹茶、草莓同朱古力4個味，而當中白朱古力味係最受大家歡迎嘅！！

Photo from Muji

2.千層蛋糕

無印嘅千層蛋糕唔止受歡迎，食起嚟講仲好方便添，事關佢哋將蛋糕切成小塊單獨包裝售賣，仲有成14種口味畀大家揀。

Photo from Muji

除咗單獨包裝之外，亦有原件提供畀大家，真係好細心呀！

Photo from Muji

3.棉花糖

白雪雪仲要係長方形，唔講仲以為係番梘添呀！不過其實佢係棉花糖嚟，食落同遊樂場買到嘅差唔多，入口即溶，真係唔小心食多咗都唔知呀！不過提提大家，依款棉花糖唔係成日都有得賣㗎！

Photo from Muji

4.法式曲奇

被糖粉包住嘅法式曲奇，一啖一粒，無論幾時想食都OK。

Photo from Muji

5.抹茶朱古力麥粒

以抹茶朱古力包住麥粒，每次食都一定要一堆咁食先過癮。

Photo from Muji

6.南瓜曲奇

採用北海道南瓜製成嘅曲奇，粒粒都係入口即溶，十足十BB食嗰啲餅仔咁。

Photo from Muji

7.魷魚乾小吃

一小塊已經可以咬好耐，啱晒大家煲劇、睇波可以邊睇一邊過口癮呀！

Photo from Muji

8.即食麵

無論係煮定當零食就咁食都冇問題，仲要已經調好味，打開就食，用來當宵夜、下午茶都啱啱好呀！

Photo from Muji

9.煙燻魷魚小食

將魷魚乾切成一塊塊，加上煙燻過嘅香味，真係夜晚煲劇睇波嘅最佳零食！

Photo from Muji

10.醬油米餅

被日本人稱CP值最高嘅零食，份量多而且價錢平，加入甜醬油調味的米餅，滋味可口。

Photo from Muji

雖然以上依10款人氣零食喺香港店唔係款款都有，不過唔知大家又食過邊幾款呢！

資料來源：Muji JP
Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）