泰國有帶頸圈狗仔錯上貨船嚟香港 因無健康證明遭漁護署人道毀滅

泰國有帶頸圈狗仔錯上貨船嚟香港 因無健康證明遭漁護署人道毀滅

時事熱話 生活熱話
ByJennifer on 14 Mar 2019 Digital Editor

一隻狗狗因為喺泰國港口誤上開嚟香港嘅貨船,被迫「離家出走」越洋過海嚟到香港,但被香港漁護署帶走,並以未能提供健康証明、疫苗注射記錄等資料為由, 將其人道毀滅。

3月12號有網友喺Facebook群組開po表示有狗隻喺泰國Laem Chabang登上貨船嚟咗香港,由於無人認領,到港後被漁農處帶走。

「泰旅谷真好玩」群組
Photo from 「泰旅谷真好玩」群組

網友認為狗仔有帶頸圈,相信係有人飼養,希望可以將狗仔嘅相share到泰國群組度,搵返佢嘅主人。

可惜漁護署就話經檢查後無發現狗隻身上帶有晶片。基於狗隻並無任何健康證明文件或醫療紀錄,加上懷疑嚟自狂犬病爆發嘅地區,考慮公眾衞生同動物福利之後,獸醫已經將狗隻以人道方式處理。

「泰旅谷真好玩」群組
Photo from 「泰旅谷真好玩」群組

狗主家姐BoBo表示本身已拜託香港朋友幫手認領返狗仔代為暫養,但估唔到咁快就已被人道毀滅。

廣告
廣告

而曾去信要求「刀下留狗」嘅立法會議員鄺俊宇就質疑漁護署無跟足程序就將狗隻人道毀滅:「若狗狗到的是其他國家或地方,都不會於不足一日的時間內就被人道毀滅,香港漁護署無疑在制造國際醜聞」

「泰旅谷真好玩」群組
Photo from 「泰旅谷真好玩」群組

泰國通胡慧沖亦喺Facebook表示:「為何要那麼快去決定把牠完結呢?狗也有生命的,人情和法理是否應該並存呢?」

胡慧沖 Facebook
Photo from 胡慧沖 Facebook

得知狗仔被人道毀滅後,網友發起咗「促香港漁護署交代『處決』誤闖來港的泰國狗狗事件」聯署行動,希望可以為無辜嘅狗仔發聲。

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook