【有一個識影相老公的重要性】張繼聰晒對比照指阿Kay攝影技術差

幾時都話有個識影相嘅男友/老公係好重要！去旅行影靚相就靠晒佢㗎啦~不過佢影得靚嘅同時，各位女朋友自問攝影技術又如何呢？

張繼聰琴日就喺ig po咗佢同老婆謝安琪去旅行影嘅單人照，從背景嚟睇，應該去咗日本。

睇返阿Kay張相，的確係靚人靚景，張繼聰嘅攝影技術認真唔錯！

到張繼聰嗰張呢，相對就比較遜色，仲有少少背光，張繼聰似乎都唔係好滿意，仲喺留言度寫咗佢哋影相嗰陣嘅對話：

「我：『依個位靚呀，企埋去幫你影張相吖』 . . 兩秒影完，張相水準的確好高吓?

佢：『真係ok喎☺️咁你埋去，我幫你影吖』 .

. .影完......我攞番手機一睇.... .

佢：『點呀？ok嗎？』 .

我：『好好呀 ! 我好似一個阿叔第一次去旅行咁....』

. . 之後去其他景點，我冇再影相.....」

Photo from 張繼聰 ig

Photo from 張繼聰 ig

在 Instagram 查看這則貼文

我：「依個位靚呀，企埋去幫你影張相吖」 . . 兩秒影完，張相水準的確好高吓? . 佢：「真係ok喎☺️咁你埋去，我幫你影吖」 . . . .影完......我攞番手機一睇.... . 佢：「點呀？ok嗎？」 . 我：「好好呀 ! 我好似一個阿叔第一次去旅行咁....」 . . . 之後去其他景點，我冇再影相.....

張繼聰 Louis（@louischeung2013）分享的貼文 於 PDT 2019 年 3月 月 14 日 上午 8:42 張貼

阿聰表示阿Kay影到佢好似阿叔第一次去旅行咁，網民都話俾佢笑死，不過小編覺得喺擺pose方面都有啲影響嘅～

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）