有咩拜山講！清明節6大禁忌你要知…

不時都會聽到有人話「有咩留番拜山先講喇！」，依家又係時候喇！過多幾個禮拜就係清明節，唔少人都會同家人長輩一齊去掃墓，不過你又知唔知當中有咩禁忌要注意呢？

Photo from shutterstock

1.忌穿大紅大紫

清明期間特別忌穿大紅大紫嘅衣服，即使內衣褲都要謹慎。可以選擇配搭較素淡嘅衣服同袋。仲有佩戴嘅配飾都要注意呀！

Photo from Pinterest

2.避免下午掃墓

以前嘅人指掃墓、燒紙最好嘅時間係上午5點至7點之間，不過依家已經好少人咁早，一般都會係喺早上9點至下午3點之間事完成。

Photo from Pinterest

提提大家，切記一定唔好下午3點後進行，因為嗰時陽氣開始逐漸消退，陰氣逐漸增長，如果身上陰氣重或咁啱時運低嘅人，就好容易會招惹不好嘅事纏身。所以一般嘅墓園都會喺4點半或之前關門。

3.不得嘻笑怒罵

墓地可以話係先人嘅居所，所以為表尊重唔可以跨越墳墓及供品，同時亦不得大聲喧譁、嘻笑怒罵，汙言穢語，亂跑亂碰，隨處小便，因為咁做唔單止對先人不敬，亦係對附近嘅「住戶」構成滋擾。

Photo from shutterstock

4.忌喺墓地影相

啱啱都講過，墓地係先人嘅居所，所以如果換個情況嚟講，有一位同你唔係好熟識嘅親人，一到你屋企就係咁影相，無論係自身拍，定係不斷影你屋企，你又會點諗呢？而且喺墓地影相，仲有可能會將其它墳墓拍進鏡頭，構成滋擾。嚴重者仲會令你運勢下降，各方面失衡。

Photo from shutterstock

5.清明期間忌頭髮遮額、買鞋

清明節亦算鬼節之一，當然喺髮型上都需要注意吓，尤其頭髮唔可以遮住額頭，額頭係人身體嘅神燈所在，所以唔可以蓋住。同時清明當中亦唔可以買鞋，因為鞋（普通話讀聲）同邪係同聲，所以大多數人都唔會喺嗰日買鞋子，以免唔吉利。

Photo from shutterstock

6.懷孕避免掃墓

一般嚟講懷孕嘅婦女都要避開清明掃墓活動，除咗同風俗有關之外，其實長途奔波對孕婦同胎兒都唔係一件好事。

Photo from shutterstock

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）