寺廟招聘和尚實習生月薪1.8萬 方丈月薪達8萬 一日返8個鐘

早前有網民喺Facebook群組中上載咗一張招聘啟事，原來係寺廟請和尚實習生、方丈，因為人工待遇唔錯，所以引發熱議。

呢張招聘廣告嚟自深圳嘅寺廟「弘法寺」，分別請和尚實習生同方丈。

Photo from 巴打絲打Facebook Club

待遇方面非常之唔錯，實習生一個月有18k人仔，而且包食包住。做夠兩年，轉為正式和尚之後，人工更可高達50k人仔一個月。

Photo from 《少林足球》

至於方丈，人工一個月就有8萬人民幣。唔理係方丈定實習生，都有得免稅兼有年終獎。

Photo from 《食神》

Photo from 《食神》

份工咁好待遇，但要求就唔高，只需大專或以上學歷，比較難嘅可能係要識背《金鋼經》、《法華經》等著作，不過都唔係必要，識背優先考慮姐～

而且返工時間都唔長，一日8個鐘，返工時間戒酒戒色，但放工嘅私人時間寺廟就唔會干預，即係照樣可以飲酒拍拖。

咁究竟份工係做咩㗎呢？和尚實習生會由方丈傳授72絕技，而實習期間會出差做法事。

Photo from 《食神》

齋睇薪酬同待遇，呢份工都算係一份荀工～

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）