《尋秦記》電影版宣布原班人馬出演！項少龍/趙盤/烏廷芳/琴清/善柔/趙倩全部回歸！

講起穿越劇，一定唔可以唔提《尋秦記》！之前古天樂就宣布咗會開拍電影版《尋秦記》，令到觀眾都非常期待啊！

因為劇集實在太過經典，所以觀眾都樂擔心如果換咗演員會演唔出咁好嘅效果，紛紛表示希望可以原班人馬出演。

而古天樂似乎都明白觀眾嘅想法，喺今日嘅香港國際影展上面就宣布劇版嘅主演都會回歸！

Photo from 《尋秦記》

Photo from 《尋秦記》

除咗同屬一間經理人公司嘅古天樂、宣萱、林峯之外，郭羨妮、滕麗名、雪兒都會加入！

大家仲記唔記得佢哋分別係咩角色呢？古天樂飾演項少龍就唔洗講啦！

Photo from 《尋秦記》

林峯飾演趙盤，後來冒充嬴政，做咗秦始皇。

Photo from 《尋秦記》

Photo from 《尋秦記》

仲有項少龍嘅「女人」，宣萱飾演嘅烏家堡大小姐烏廷芳。

Photo from 《尋秦記》

郭羨妮飾演同項少龍現代女朋友秦清好似樣嘅琴清。

Photo from 《尋秦記》

滕麗名飾演刺客善柔，佢都係暗戀項少龍㗎～

Photo from 《尋秦記》

仲有雪兒飾演嘅趙國公主趙倩，佢喺2007年就淡出娛樂圈，期間只為報古天樂提攜之恩而復出客串《殺破狼貪狼》，同埋應樂易玲邀請面出演《飛虎之潛行極戰》。估唔到今次《尋秦記》電影版佢會回歸啊！

Photo from 《尋秦記》

仲有一個人小編好想佢回歸，就係飾演連晉/嫪毐嘅江華喇！不過佢近年已經離開娛樂圈，睇嚟要邀請佢參演都有啲難。

Photo from 《尋秦記》

原班人馬真係好期待啊！電影版《尋秦記》即將3月尾開拍喇～好想快啲睇！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）