《炸雞特攻隊》由開場笑到完場！成隊人扮開炸雞店監視黑幫 點知最廢組員炸出超好美味炸雞 賣到成行成市

如果想睇一套由頭笑到落尾嘅戲，《炸雞特攻隊》係一個好好嘅選擇。唔單止有少少懸疑，令觀眾諗開間炸雞店係咪真係會令佢地破到案，定係會令佢地忘記初衷，變成真正嘅炸雞店。

Photo from edko films

《炸雞特攻隊》破1600萬觀影人次，喺韓國仲超越咗《屍殺列車》、《與神同行》系列嘅票房！

故事講述5個隊員組成嘅緝毒小隊成日「輪輪盡盡」，搞到破唔到案，後來收到料有個黑幫大佬將會有動靜，為咗破案就日日夜夜喺對面聯視，點知炸雞店經營不善，準備執笠。為咗可以繼續監視，竟然頂咗間炸雞店嚟做，估唔到平時最廢嘅組員炸出勁好味炸雞，仲賣到成行成市。

Photo from edko films

Photo from edko films

睇完都會明點解會喺韓國咁收得，因為入場真係會不斷咁笑，仲要無冷場添，睇睇下會希種似睇緊周星馳早期少少嘅笑片咁，會有唔少蝦碌輪盡場面。

Photo from edko films

Photo from edko films

一開場就會話你知套戲會係搞笑到底，因為佢地追毒販都追到「輪輪盡盡」，同毒販對答仲好搞笑。除咗搞笑，有啲位都講出佢地條team可憐嘅地方，好似隊長咁畀隔離team後輩爬頭升職，返到屋企，老婆又畀臉色佢睇，覺得佢無出息之餘又成日陷入危險。

Photo from edko films

不過成套戲都好多搞笑位，好似話佢地喺鋪頭傾緊個計劃，突然有街客打開門要嚟食嘢，佢地一下掃低所有仲會諗佢地見炸雞咁賣得咁好，又愈做愈上心咁，會唔會忘記初衷，唔再捉賊？

Photo from edko films

Photo from edko films

估唔到仲會有打鬥位，而且仲要打得幾好睇。最驚喜係諗都諗唔到韓國電影，會播咗哥哥張國榮嘅《當年情》～個下會覺得韓國片都帶有港產搞笑片嘅感覺，令香港觀眾更加有親切感。

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）