超敬業！為演巴士司機 王菀之用9個月時間考巴士牌成「真車長」

要演一套戲需要演員付出好多心機、時間，例如要了解角色嘅職業，王菀之喺新戲就為演好角色付出好多～

喺新戲《阿索的故事》入面，佢飾演嘅女主角係一位巴士司機，而王菀之為咗演好呢個角色，唔單止學習基本技巧，仲考埋巴士牌添啊！

Photo from 《阿索的故事》

為咗令自己演女車長演得更專業，王菀之不惜花9個月時間上堂，仲考埋個牌。

喺新戲宣傳活動上，導演葉念琛就透露咗王菀之為咗角色去咗考巴士牌，勁有誠意：「佢考咗幾多次就唔講啦！」

Photo from 《阿索的故事》

而王菀之就話考巴士牌其實唔難：「大家肯去上堂都得。」仲話考多幾次就得。佢表示拍完戲後想車大家去燒嘢食慶功，不過唔知係咪因為佢考咗幾次先合格嘅原因，所以未有人報名。

Photo from 《阿索的故事》

而葉念琛都話有諗過叫佢首映嗰日揸巴士車大家去睇，點知下一秒又話：「但我係會自己去！」好好笑！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）