【劉德華粉絲福音！】劉德華上年因病取消7場嘅演唱會 將會喺2020年2月補償歌迷

劉德華上年成功搶到跨年檔期舉行演唱會。但不幸地，未成功同粉絲們一齊跨年，就已經病倒。舉行到第14場演唱會嘅時候，以為患流感，搞到聲沙，開場冇耐都要腰斬！之後更係忍痛取消餘下7場演唱會。

Photo from FB@My Love Andy Lau World Tour

早前有報導指華仔未能爭取紅館檔期補辦演唱會，粉絲們紛紛退票，唔少歌迷都感到失望。不過今日就傳嚟好消息！華仔官方網站宣布接獲康文署通知，成功申請2020年2月紅館檔期，喺2月15日至2月22日舉行7場個唱！

Photo from 華仔天地

退票安排仍然繼續至5月底，而喺整個退票階段完成後，喺2019年6月10日至2019年8月9日期間，就會開始優先購買補場門票及補場登記換票。

已經退咗票嘅你就冇得睇？梗係唔洗啦！華仔貼心安排已退票嘅朋友優先購冇補場門票！

「 你們享有優先購買原有同等數量、座位及票價之權利，對應日期請參照補場場次對照表如上。於2019年6月10日，有關單位（映藝文化娛樂）將以電郵或短訊個別通知你們有關優先購票的詳情。」

「已退票的『華仔天地』家人亦同樣會收到有關優先購票的通知。」

「於優先購票過程中，網上付款服務供應商收取的手續費將由我為你們承擔。」

而未退票嘅朋友，就可以換返同一個數量、座位同票價嘅補場門票。

Photo from FB@My Love Andy Lau World Tour

「對應日期請參照補場場次對照表如上。請於2019年6月10日中午12時起至2019年8月9日中午12時止到演唱會官方網站 http://concert.andylau.com/ticketing ，輸入所需的個人及門票資料，並上載門票照片，便完成登記換票手續。」

「不退票的『華仔天地』家人同樣可到上述官方網站的「華仔天地」會員專頁進行登記換票。」

華仔仲有溫馨提示畀大家！

「溫馨提示 1-明白到時大家為了支持我會同時間進入網絡系統登記，這可能引致網絡繁忙而出現等候的情況。請大家不用擔心，因為優先購票及登記換票的日子和位置是根據你手上的門票而安排，不存在競爭，而且登記持續為期兩個月，所以只要在限期內完成便可以。」

「溫馨提示 2-在完成以上整個程序後，我們由2019年8月26日至2019年8月31日將會個別發出「領票通知函」給大家。預計於2020年1月開始讓大家領取補場門票，而海外朋友亦可於演唱會期間到紅館領取門票。」

最後佢多謝家人同朋友喺呢段時間嘅理解同支持，以及多謝佢身邊一直不辭勞苦嘅工作人員嘅付出！

Photo from FB@My Love Andy Lau World Tour

華仔真係「有你有我有情有天有海有地」！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）