許志安鄭秀文成「許家大長輩」 首次被斟茶 緊張到面無表情

許志安鄭秀文成「許家大長輩」 首次被斟茶 緊張到面無表情

生活熱話 娛樂新聞
ByJennifer on 25 Mar 2019 Digital Editor

2013年同許志安結婚嘅鄭秀文,加入許家已經6年喇!同老公早就成為許家大長輩嘅佢哋,原來都有唔習慣嘅時候。

Sammi琴日就喺ig po咗幾張相,相入面嘅佢同老公許志安都面無表情,睇落有啲拘謹。不過可以睇到有一對新人正向佢哋斟茶。

鄭秀文 ig
Photo from 鄭秀文 ig

而Sammi就表示人生首次「被斟茶」,個人比較緊張:「不知應該說什麼,不敢亂笑」,仲話:「喝完茶任務完成才鄭四萬回來」

睇嚟許生許太都係因為太緊張先會無晒表情,而Sammi見到一對步入婚姻殿堂嘅新人,分享咗自己對於婚姻嘅睇法。

鄭秀文 ig
Photo from 鄭秀文 ig

廣告
廣告

佢認為每一對couples都應該要全力珍惜同努力守護來得不易嘅婚姻:「婚姻本身並不提供愛, 是彼此之間的愛滋養著婚姻,是彼此的努力,是彼此之間的不分彼此,才能使婚姻有血有肉有生命」

Sammi認為婚姻係無形嘅,但相處就有形,婚姻中每個階段都係一場埸終身學習:「我估計沒有捷徑,只能一步一步經歷。才能真正體現『一步一生 』的幸福」

在 Instagram 查看這則貼文

人生首次”被斟茶”, 有點緊張, 不知應該說什麼,不敢亂笑. 🥴 . 喝完茶任務完成才鄭四萬回來. ✌️😄四萬人生總有很多的第一次以及唯一的一次. 例如婚姻. 喝過這一杯茶, mi也提醒自己,婚姻來得不易, 每一對couples 都務必珍惜和努力守護。 mi 一直認為婚姻本身並不提供愛, 是彼此之間的愛滋養著婚姻,是彼此的努力,是彼此之間的不分彼此,才能使婚姻有血有肉有生命. 婚姻是無形但相處是有形, 婚姻中每個階段也是一場埸終身學習. 我估計沒有捷徑, 只能一步一步經歷. 才能真正體現”一步一生 “的幸福. 恭喜你們, 欢迎加入許氏這個大家庭. 🥰 #被斟茶的感覺有點不習慣😅 #開心的一夜深深感受大家庭的愛和熱鬧 #婚姻 #飲完這杯茶才放鬆笑番😁 #新娘子這夜好美🥰新郎也不差😆 #一步一生 #婚姻是彼此之間的不分彼此 #幸福的味道 #幸福來了

Sammi Cheng Sau Man(@sammi_chengsauman)分享的貼文 於 張貼

睇嚟呢啲就係Sammi同老公擁有幸福婚姻嘅心得喇!最後佢都以許家長輩嘅身分恭喜一對新人加入許氏嘅大家庭。

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook