「豹叔」黎彼得雖只得小五程度 但填嘅詞一矢中的 通俗卻不低俗！

前晚《愛回家之開心速遞》劇情大暴走！由4位加埋差唔多300歲嘅「耆英」做主角：熊樹根（劉丹飾演）、大龍生（羅樂林飾演）、譚道德（陳榮峻飾演）同豹叔（黎彼得飾演）組成超Rap得嘅Hip Hop組合-大四喜。

Photo from 愛回家之開心速遞

佢哋本身已經準備好晒，但去到電視台臨時改賽制，主題仲要係IG。你話啦，一班加埋差唔多300歲嘅耆英由點會熟悉時下年輕人嘅玩意啊～多得食屎陳師奶唔得閒，搵咗豹叔（黎彼得）頂上！點解咁講？因為4位耆英入面得豹叔（黎彼得）一個識填詞囉！

Photo from 愛回家之開心速遞

Photo from 愛回家之開心速遞

「Hey！乜嘢叫IG我哋唔知 我哋淨係知 企上台我哋可以 有心唔怕遲 請你聽我哋講先 我哋有吉士 幾多歲都好都未會怕瘀 」

Photo from 愛回家之開心速遞

「Hey！乜嘢叫IG我哋唔知 我哋淨係知 香港人乜都咁試 獅子山精神 有乜嘢都要行先 聽我講埋先 肯Do喺香港實有發展 」

Photo from 愛回家之開心速遞

「乜嘢叫IG我哋唔知 我哋淨係知 乜嘢叫做禮義廉恥 一味玩IG 一味講呢啲問你點知」

Photo from 愛回家之開心速遞

「乜嘢叫IG我哋唔知 我哋淨係知 廣東話就好多意思 廣府九韻玩落更加有拍子 一味ABC 一味講呢啲」

Photo from 愛回家之開心速遞

Photo from 愛回家之開心速遞

「Yo！其實我哋大四喜乜嘢都知 所有潮流新事物我哋乜都肯試 人生流流長咁做先有意義 所有年齡層咁樣做先會啱key」

Photo from 愛回家之開心速遞

豹叔（黎彼得）嘅詞押晒韻咁，聽落又順口又易記，真係好過好多時下嘅年輕填詞人咖！有網民睇完呢集之後大讚Rap詞填得超好，仲提議可以取代依家有黃心穎主唱嘅愛回家主題曲添！

Photo from 愛·回家之開心速遞

嗱！唔好以為只係得「豹叔」識填詞，實情係黎彼得本身就係填詞鬼才！

雖然黎彼得只有小五程度，但填嘅詞係通俗但唔粗俗，而且句句入肉，非常有力！

Photo from 愛·回家之開心速遞

黎彼得同黃霑等都屬於第一代粵語流行曲填詞人。喺7、80年代，佢同許冠傑合作填寫大量流行曲歌詞。佢填嘅歌詞都係用香港地道廣東話，寫得通俗親切、生動有趣，歌詞入面仲會反映社會現狀，諷刺時弊，入肉三分，所以佢亦都有「鬼馬填詞人」之稱。

Photo from 愛·回家之開心速遞

當年佢成就好多一代紅星，包括張國榮同梅豔芳。張國榮嘅《Monica》同梅豔芳嘅《將冰山劈開》就係佢填詞咖啦！經典著作仲有：《浪子心聲》、《打雀英雄傳》、《梨渦淺笑》、《大家跟住唱》、《有酒今朝醉》、《知音夢裡尋》、《鬼馬大家樂》、《財神到》、《斷腸夢》、《一生中幾許歡笑》、《忍》等...

Photo from 《Monica》

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）