領養8歲退役格力犬 鄭融助愛犬識新朋友:幫助他學習在生活裏怎樣和其他狗狗和人類一起正常社交

領養8歲退役格力犬 鄭融助愛犬識新朋友:幫助他學習在生活裏怎樣和其他狗狗和人類一起正常社交

時事熱話 生活熱話 娛樂新聞
ByJennifer on 02 Apr 2019 Digital Editor

鄭融之前喺澳門賽狗場領養咗退役格力犬,幫佢改名做Mack。Mack今年已經8歲,同鄭融相處融洽。

鄭融喺ig度表示:「格力犬天性其實是很溫馴,也比較靜。希望大多數人對他們的誤解以為他們性格兇猛能逐漸改正過來❤️」

佢仲話同愛犬相處一個月發現Mack好似小孩子,又聰明又乖。仲幫愛犬開埋IG,分享佢嘅日常生活添!

喺ig度都睇得出鄭融真係好錫Mack,已經了解晒愛犬嘅生活習慣。

而平時有做開運動嘅鄭融都會親自帶試Mack散步,佢就表示愛犬跑得太快,時速有成67km/hr:「是小巴的平均安全車速啊~!」

廣告
廣告

鄭融都有提到領養Mack後會同佢一齊學習點同其他狗狗交流:「幫助他學習在生活裏怎樣和其他狗狗和人類一起正常社交」,依家嘅Mack已經有好多朋友仔喇!

幸運係Mack遇上一位有愛心嘅主人,令佢可以擁有幸福嘅退休生活。

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook