download HolidaySmart 假期日常 app
研究:夜訓會矮、變肥、變蠢!通宵完之後補眠都無用咖 大家都係早啲訓啦

研究:夜訓會矮、變肥、變蠢!通宵完之後補眠都無用咖 大家都係早啲訓啦

生活熱話
By Ivory on 04 Apr 2019
Digital Editor

無論平時幾點番到屋企、幾攰都好,沖完涼都會攤喺床上面玩陣電話先訓,因為夜晚係我哋嘅「Me Time」。㩒㩒吓就會㩒到凌晨先捨得放低電話訓覺,啱啱嗰幾日仲要係假期添,一定有幾夜訓得幾夜訓啦!雖然夜訓對身體唔好就係人都知,但你又知唔知有咩唔好呢?

shutterstockPhoto from shutterstock

1.夜訓會變蠢
美國霍思金大學研究指,夜訓嘅人數理、認知、專注力同記憶力都會變差!另外倫敦大學曾經對萬幾個7歲嘅小朋友進行研究,發現部分遲過9點訓嘅小朋友數理同閱讀都比較差。原來遲過9點訓就會蠢?(Sad!)

shutterstockPhoto from shutterstock

2.夜訓會矮
根據美國國家睡眠基金會曾經分析唔同年齡層都有一個最理想嘅睡眠時數,例如18至64歲嘅人建議每日需要訓7至9個鐘~由於每晚9點至凌晨一點/每朝5點至7點係人體生長激素分泌最多嘅時段,如果你遲過凌晨1點先訓嘅話,就會減慢咗你長高嘅速度。美國埃默里大學(Emory University)一項研究發現,「爛訓」嘅BB每次增加睡眠時間,長高嘅機會就增加咗43%。想生高啲,除咗做運動、均衡飲食之外,仲要早啲訓!

shutterstockPhoto from shutterstock

3.夜訓會變肥
越夜訓,飢餓素就會越容易出現!呢種飢餓素就係令到你不停想食嘢嘅物質,正正解答到「為何深夜總是餓」呢個問題啦!既然越夜越餓,夜媽媽食咁多嘢,唔肥就假啦!

廣告
廣告

shutterstockPhoto from shutterstock

以為前一晚遲訓,第二晚補番就冇事?錯啦!事實總是殘酷的!研究話你知,補眠係冇用咖!

美國賓夕法尼亞大學醫學院曾經搵嚟一班白老鼠,要佢哋長時間保持清醒狀態,只畀佢哋訓4-5個鐘,模仿一啲玩通宵、開夜車嘅人,幾日之後發現佢哋嘅腦細胞少咗大腦腦幹嘅四分之一!

shutterstockPhoto from shutterstock

聽日就係星期一,大家記得早啲訓啦!

資料來源:世界睡眠基金

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel