羅浮宮都有得住？Airbnb破天荒同羅浮宮合作推超夢幻「夜宿羅浮宮計畫」

講到法國巴黎，冇人唔識羅浮宮，更係必去嘅朝聖地！一直都畀人感覺莊嚴、嚴肅，係「可遠觀而不可褻玩」嘅地方。

Photo from shutterstock

但驚喜嚟喇！羅浮宮博物館同Airbnb推出超夢幻「夜宿羅浮宮計畫」。得獎者可以入住羅浮宮，喺金字塔下度過奇幻一夜，絕對係畢生難忘嘅體驗！

Photo from Airbnb

呢個名為「Win a night at the Louvre」嘅夜宿羅浮宮計劃，由即日起自法國時間4月12日 23:59 前 ，Click 入活動專頁答問題：「爲何對蒙娜麗莎來說，您會是最理想的房客？ （800字左右）」，答得最好嘅1位優勝者，將會可以帶多1位人兄，喺4月30日封館後入住羅浮宮！只此一晚咋！

Photo from shutterstock

喺金字塔入面住一晚，望住一般人睇唔到嘅風景、坐住一般人坐唔到充滿巴黎風格嘅豪華嘅梳化、訓住一般人訓唔到嘅床！真係一般人恨都恨唔到嘅超奇妙經歷！

Photo from Airbnb x Louvre

除咗可以喺羅浮宮住一晚之外，仲會有位專屬導遊恭候你，喺閉館之後帶你遊走、參觀羅浮宮，享受住同美國前總統奧巴馬、Beyoncé同Jay-Z嘅同等待遇！你仲可以同「蒙娜麗莎」小酌一杯，或者同維納斯女神共進晚餐！

Photo from IG@museelouvre

Photo from IG@museelouvre

夜深時分，你可以訓喺晶瑩剔透嘅金字塔到，仰望巴黎星空與月夜，非常浪漫。

Photo from shutterstock

除咗舉辦夜宿博物館比賽之外，5 月起至12月底呢段期間，Airbnb同羅浮宮將會推出一系列獨家體驗，並且喺Airbnb平台開放預訂。大家記得到時Mark 實啦～

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）