李宗偉林丹見面即互相問候李宗偉渴望參賽2020年東京奧運打「終極一戰」：「兒子，若情況允許，爸希望明年的奥運可以打給你看」

生活熱話

By Ivory on 08 Apr 2019

Digital Editor

李宗偉同林丹喺球場上永遠嘅對手，同時亦係惺惺相識嘅好兄弟！佢哋呢15年喺唔同大大小小嘅比賽中碰頭，並對戰40次。林丹一向畀人火爆嘅形象，偏偏佢對住李宗偉都非常溫柔，重情重義！

Photo from Facebook@lichongwei

自從上年傳出佢罹患鼻咽癌，因為需要休養，退出多個大型賽事。李宗偉曾經講過：「重返球場仍然係我最大的目標。」佢治療成功後，一度加操。但3月複診嘅時候，醫生話佢身體暫時唔適宜承受咁大壓力，建議佢退出大馬羽毛球公開賽。

李宗偉喺自己主場大馬比賽幾乎次次都攞冠軍，一共12次贏得錦標！但琴日嘅大馬公開賽，佢只能望住勁敵兼好友打比賽，冇得上演第41場「林李大戰」。林丹不負眾望，贏得冠軍。而「爸打」李宗偉則現身擔任頒獎嘉賓。

林丹同李宗偉一見面就雞啄唔斷，互相問候。李宗偉當晚喺社交網站提及佢同林丹傾嘅內容。

「林丹：你還好嗎？
李宗偉：我OK呀，不好意思這次沒時間帶你去吃飯！
林丹：沒關係，那你會去新加坡嗎？
李宗偉：不會啦沒參加，下次再約，一起繼續加油！
林丹：好！一起加油！」

有報導話，林丹退而不休，繼續拼命去打波只係為咗李宗偉，為咗能夠一齊參加大家嘅第五次奧運會！呢種是敵也是友嘅兄弟情，實在令人感動！

即使李宗偉同林丹今次再次一同踏上頒獎台，但身分完全不一樣。以前大家都是球員身分，今次其中一個卻係一個頒獎嘉賓。李宗偉亦感慨咁話：「這是生平第一次不是以對手身份一起出現在這戰場的舞台上。恭喜林丹！」無論係咪李宗偉嘅粉絲，聽到佢呢句說話，都會鼻子一酸。

Photo from Facebook@lichongwei

除此之外，李宗偉、林丹、諶龍呢個組合一齊企上頒獎台，已經係2012年倫敦奧運嘅時候。李宗偉話：「昨晚回到家，我把我在公開賽拍的一些照片和我的兩個寶貝 Kingstong 和Terence 分享。當我翻到我和林丹諶龍一同站在舞台上的照片時，我的寶貝小兒子Terence 喊道: “爸，這張照片和廚裏那張一樣的！” 他指着的是我們三位在2012年奥運一起合拍的照片。我愣了一下，Terence 是在2015年出生的，里約奥運他還小沒能感受和參與有我的奥運比賽。兒子，若情況允許，爸希望明年的奥運可以打給你看。」