憑《無雙》提名最佳女配角 周家怡獲贈仿金像獎 疑侵犯版權急道歉

周家怡憑《無雙》入圍第38屆香港電影金像獎「最佳女配角」最後五強。頒獎禮喺4月14日舉行，而家怡早前就收到朋友為佢特製嘅獎座。

Photo from 周家怡IG

獎座仲刻住「大澳貓民最佳女主角」，家怡收到之後仲開心到喊，PO相多謝佢一班朋友：「教我如何不愛你們呢？你們給我的這個驚喜，實在太感動！有你們的支持、鼓勵與愛，我感到無比的幸福！」

Photo from 周家怡IG

但係就引嚟侵犯版權爭議，好彩金像獎方面就話唔會追究，話明白朋友只係出於好意唔係有心，但都提返家怡版權問題。

Photo from 周家怡IG

家怡知道大件事之後就已經即刻Del PO同埋出文道歉啦～

Photo from 周家怡 IG

網民都好支持家怡，安慰佢：「唔駛心急，真果（嗰）個已刻住妳個名。」

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）