旅遊展覽！台灣民宿美食節！8家特色民宿開辦DIY民宿教室、製作地道風味小食～

台灣旅遊展又嚟喇，今次為大家介紹台灣嘅優質特色民宿之餘，仲講大家食台灣地道小食添！

Photo from 荷里活廣場

呢次嘅美食節有5大看點，有野食、有野睇、仲有優惠拎好吸引呀！
「民以食為天」，食當然係最重要啦！民宿美食節設有「台式『蛋』料理之8道風味美食區」，俾大家有機會試吓台灣地道美食～

Photo from 荷里活廣場

呢啲美食攤檔雲集咗8間來自台東、南投同埋屏東嘅特色民宿～用雞蛋配在地新鮮時令食材，呈獻出不平凡嘅味道！台灣人好鍾意食「蛋餅」做早餐，所以呢度都有各式各樣嘅「蛋餅」俾大家試吓！好似「手做番茄羅勒起士蛋餅餐X拉提森茶飲」、「香滑奄列蛋捲、百香果果醬三明治及台東桑椹特飲」、「香煎蛋蔥抓餅配養生茶飲餐」等等～

Photo from 荷里活廣場

Photo from 荷里活廣場

「蛋之料理」都係由來自屏東、台東、宜蘭同埋南投嘅民宿主理，夠哂地道！有啲餐點好有當地特色，例如：剝皮辣椒炒蛋套餐、宜蘭三星蔥油餅、手工雞蛋麵包、香滷蛋、小品蛋皮絲麵條等等，美食一籮籮！

Photo from 荷里活廣場

Photo from 荷里活廣場

除左可以歎美食，仲可以睇到台灣民宿同埋旅遊資訊！大家可以喺度搵到多間旅行社同民宿代表，獲得去台灣旅遊嘅最新資訊、季節遊路線推薦，仲有機會得到會場限定旅遊優惠，切勿錯過！同場有「旅遊達人分享會」，邀請香港網紅兼旅遊達人同埋旅遊作家，為大家命紹必去嘅景點！

Photo from 荷里活廣場

Photo from 荷里活廣場

咁都唔夠豐富！仲有民宿教室，3家特色民宿喺場內設置DIY手作坊教室，教大家整蔥油餅、百香果果醬同埋手工肥皂～（消費換領）
亦有綜藝活動表演，包括：魔術、氣球表演等等，節目滿滿！

Photo from 荷里活廣場

Photo from 荷里活廣場

Photo from 荷里活廣場

《台灣民宿美食節》
地址：九龍鑽石山龍蟠街三號荷里活廣場
日期：2019年 4月 20至22日（中午 12時至晚上 7時）

《美食區》
日期：2019年 4月 20至22日
入場時間：下午1時- 6時
入場方法：
2019年 4月 12日-14日及4月 20日-22日，喺商場以信用卡、八達通或者EPS消費滿$150或以上（單一發票），及「讚好」指定網上平台，就可以換到「美券」一張，可以喺指定日期入「美食區」換美食！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）