【淘寶乜都有得賣！】新興代飲代食專員 幫你排隊試新嘢！

原來世界上真係有「免費午餐」！啊！唔係免費咁簡單，仲要有人工添！最近淘寶出現了一種新興嘅「代飲代食」服務，用戶只要透過淘寶落單，賣家就會根據你嘅訂單去餐廳為你品嚐美食，同時附上詳細食評仲有打卡相，令你唔洗食到肥嘟嘟都可以「食到好西」～

Photo from 淘寶

呢個「代飲代食」貼心服務標榜「咩都幫你食」：「你唔洗擔心會肥、高血糖、高血脂、高血壓！你嘅風險，我嚟承擔」，仲話可以幫手拍片，保證讓你身臨其境，好似自己食緊一樣咁話～

根據內地媒體報導，最受歡迎嘅訂單通常係火鍋、炸雞、奶茶烤肉等超邪惡食物！而網紅餐飲店如喜茶等都非常受歡迎！

Photo from shutterstock

Photo from shutterstock

呢個代飲代食打卡專員真係符合市場需要！一有新鋪開張，唔少人就會一窩蜂去試新嘢！但係排隊排幾個鐘先有得食，真係會攰死！如果好食嘅話都叫值得，但唔好食嘅話，真係會揼心口！仲有，試新嘢某程度上都係為咗打卡，但依家有人幫手影底靚靚打卡相呃like嘅話，咁就唔洗自己排餐死啦～

Photo from taobao

呢種突然興起嘅新奇有趣「體驗消費」引起網上討論，亦都激發咗網民嘅小宇宙，「有人提議可以代追劇、代摸貓，定時開Live畀你望下隻寵物喎～」

Photo from shutterstock

唔知代訓覺有冇得做呢～？

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）