網民嚴選伏工10大特徵!不斷延長試用期 準時走畀同事問「做乜早走?」

網民嚴選伏工10大特徵!不斷延長試用期 準時走畀同事問「做乜早走?」

時事熱話 生活熱話
By Jackie on 11 Apr 2019
Digital Editor

相信有唔少人都不求搵份自己又中意、又返得開心嘅工,只求唔好搵咗份伏工啊!最近就有網友分享一人一個伏工特徵,好多人都話好有共鳴!臨近畢業季,各位Fresh Grad新鮮人以及想轉工嘅打工仔,真係要好好記住以下10大伏工特徵啦!

ShutterstockPhoto from Shutterstock

1. 日日有散水餅食
返工無幾耐已經有唔少人Last Day派散水餅真係伏中之伏啊!短短返工一兩個月已經有唔少同事辭職,證明公司流失率高,留唔住同事,或者公司內部有問題令好多同事返無幾耐就想走。

ShutterstockPhoto from Shutterstock

所以如果返工無耐已經食過好幾次散水餅,真係要好好刺探軍情,了解下辭職同事究竟係做得耐想轉新環境,定有口難言咁款啦⋯⋯

ShutterstockPhoto from Shutterstock

2. 招聘網站長期出現同一公司、同一職位請人post
如果睇咗一兩個月同人招聘網站,依然見到同一公司、同一職位經常出Post請人,咁即使對嗰個職位有興趣,都要先三思而後行啦!

ShutterstockPhoto from Shutterstock

經常出Post請人多數因為無人見工而請唔到人,又或者老闆好嚴揀極都唔中意!特別係隔一、兩個月又見到同一個Post,好有可能係之前請咗人,新同事返工無幾耐就辭職啊!

ShutterstockPhoto from Shutterstock

3. 到收工時間但無同事放工,準時走畀同事問「做乜早走?」
通常搭正放工時間無同事走都算正常事,不過可能過咗半個鐘至一個鐘都未有同事放工,咁就真係大件事啦!

ShutterstockPhoto from Shutterstock

放工時間無同事放工,搞到自己即使做曬所有工作都唔敢放工,甚至準時放工時間走,仲會有同事反問你「做乜早走?」,咁好大機會證明呢間公司有返工時間,但無放工時間,係無了期OT啊!

ShutterstockPhoto from Shutterstock

4. 例牌OT無補水又無補假
喺香港做打工仔,OT仍正常事,大部分有良心嘅公司通常都會設OT補水或者補假,即使迫於無奈要OT都起碼有補償啊!不過有部分公司奉旨要同事OT,無補水又無補假,甚至明明係工作量過多,上司都依然矛頭直指係因為你做嘢手腳慢先要OT,咁就真係OT都欲哭無淚啊⋯⋯

shutterstock_1100338658

5. Send CV後好快見工再好快請
可能有唔少人都試過Send CV後公司好快叫你見工,然後見工一兩日後,甚至即日已經通知話請你,呢個時候先唔好以為自己真係好畀老闆賞識,更多係要先諗清楚見工時老闆嘅表情、言語間係咪真係視你為「對的人」所以咁快決定請你。

廣告
廣告

ShutterstockPhoto from Shutterstock

因為好大機會係公司無人見工、好等人用而亂請人,嗰頭面試西你面呢頭話請你,咁可想而知份工有幾伏啦⋯⋯

ShutterstockPhoto from Shutterstock

6. 全部同事返工苦口苦面/日日有同事上網搵工
返到公司見全部同事苦口苦面,大家都無乜交流,通常一係部分同事難相處、一係上司唔畀同事傾閒計、一係份工太辛苦所以每日都西口西面啊!不過都有可能因為朝早返工攰唔想講嘢,但如果同事們長時間處於粒聲唔出又黑口黑面嘅狀態,相信大家返工都辛苦啦⋯⋯

ShutterstockPhoto from Shutterstock

特別係不斷有同事上網搵工,證明公司無留底嘅理由,大家都諗住搵到工即執包袱走人啊!

ShutterstockPhoto from Shutterstock

7. 不斷延長試用期
初返新工通常都會有試用期,不過如果上司不斷延長你嘅試用期,好有可能佢都唔認同你嘅工作能力,但又請唔到人頂替,或者唔想過試用期加人工畀你!而且過試用期通常都一係留一係走,最多延長一次,如果不斷延長試用期,咁真係要好好諗下筒中原因啦。

ShutterstockPhoto from Shutterstock

9. 幫上司做私人嘢
有部分上司間唔中要你幫佢Book下餐廳、訂演唱會飛等等,經常性要幫佢做私人嘢,甚至要幫佢家庭日常開支埋數,感覺公私不分,仲可能當你係私人秘書或阿四,結果好大機會咩都要你幫手做,連私事都要負責埋啊!

ShutterstockPhoto from Shutterstock

10. Office裝曬CCTV
喺Office裝CCTV都好正常,不過東一個西一個,老闆仲要喺房不時開CCTV睇,咁絕非安全問題,而係要24小時睇同事做緊咩、有無蛇王等等,一見你唔係做嘢、離開工作位一段時間,就出嚟鬧你偷懶,上司下屬間完全無信住可言,仲有少少畀人監視嘅感覺,無曬私隱,感覺無自由又大壓力。

ShutterstockPhoto from Shutterstock

睇完以上伏工特徵之後,唔知各位打工仔有無身同感受呢?即使中曬大部分特徵都唔洗灰心㗎,因為聽日都依然要準時上班啊。

圖片來源:Shutterstock

Text: Holiday Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel