download HolidaySmart 假期日常 app
新加坡環球影城設2大全新園區!任天堂世界園區+Minions兵團園區 大3倍S.E.A海洋館!

新加坡環球影城設2大全新園區!任天堂世界園區+Minions兵團園區 大3倍S.E.A海洋館!

旅遊攻略 旅遊新聞
By Jackie on 12 Apr 2019
Digital Editor

日本大陂嘅環球影城大家就去得多啦,唔知新加坡環球影城大家又去過未呢?不論有無去過都好,嚟緊新加坡環球影城再增設2大全新主題區—「超級任天堂世界」以及「迷你兵團主題樂園」,相信一定能吸引到各位再次入場啊!

RWS 2.0 - Minion Park at Universal Studios Singapore

聖淘沙名勝世界嘅大型擴建計晝,將由2020年至2025年分階段完成,而今次係新加坡環球影城自2010年開業以來,首次進行園區擴建,擴建後會增設更多不論男女老幼、一家大細都啱玩嘅景點、主題商店同餐廳,聽到都令人好期待啊!

RWS 2.0 - Super Nintendo World at Universal Studios Singapore

而其中相信以「超級任天堂世界」較為吸引,當中會將任天堂嘅遊戲、角色、冒險體驗帶入園區,令大家猶如置身任天堂世界,同孖寶兄弟同一眾角色一齊大冒險啦!

RWS 2.0 - Despicable Me Minion Mayhem 拷貝

而「迷你兵團主題樂園」相信大家都唔陌生,可愛嘅Minions絕對係無處不在,而當中嘅核心項目「慌張的迷你兵團」更係獲獎無數嘅模擬驚險遊戲,旅客可以進入Minions 3D世界,加上溫馨又幽默嘅故事,非常適合一家大細一齊闖關啊!

RWS 2.0 - Evolution

政府斥資新幣45億進行擴建計劃,除咗為環球影城增設2大園區,連S.E.A海洋館都進行擴張啦!S.E.A海洋館將會同鄰近嘅海事博物館打通,化身比現時大3倍嘅「新加坡海洋館」!

RWS 2.0 - Exploration

「新加坡海洋館」為世界首個大型綜合海洋館,當中會增設3大區—「進化與滅絕區」、「探索與深海區」以及「海洋保護區」,再配合數碼及互動科技,帶大家到海洋世界進一步了解海洋歷史,真係好啱帶埋大人小朋友,一齊去邊玩邊學習海洋知識啊!

RWS 2.0 - Adventure Dining Playhouse (2)

而另外仲設有「身歷其境冒險劇場餐廳」,當中以海盜冒險為主題,海盜故事加上逼真表演、場景佈置以及視覺效果,再配合多元化菜式,為大家帶嚟非一般嘅餐飲體驗,真係好想親身體驗一下啊!

RWS 2.0 - Adventure Dining Playhouse (1)

睇完之後小編都迫不及待,好想等佢快啲擴建完成再出發旅行啦!

Text: Holiday Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel