復活節必去!邊玩邊食體驗老香港

復活節必去!邊玩邊食體驗老香港

美食推介 香港好去處
By Mag on 12 Apr 2019
Digital Editor

復活節就快到啦!難得有一連四日長假期當然要玩到佢!不過要諗去邊都幾傷腦筋,小編就發現挪亞方舟最新活動「童遊反斗時光機」,破格重新演繹香港懷舊主題,場內不但有唔少細緻復古佈置打卡位,仲有一連串食玩工作坊同遊戲,集齊各式玩樂於一身!

「童遊反斗時光機」共有五個懷舊主題活動,各配老香港特色裝潢嘅工作坊,置身其中猶如時光倒流到五六十年代嘅香港咁!

好似「養生花茶體驗坊」,小朋友可以喺古色古香嘅養生茶坊,「即席拜師」著起老茶館師傅制服,跟隨導師學調配草本花茶同其養生功效,揀選成份同包裝。一邊學養生同包裝知識,一邊體驗茶館師傅嘅工作!

Noah's ArkPhoto from Noah's Ark

波子棋、彈珠台大家由細玩到大,但全部變成放大版就另有趣味!場內嘅「巨型懷舊遊戲競技場」將波子棋、彈珠台及層層疊,變成大型「過三關」擂台!喺度可以大玩錯覺攝影,驟眼睇真係唔知自己係棋定係棋手!而且又可以用新玩法去感受父母輩兒時玩樂文化,好似用將球取代彈珠去玩超大版彈珠台!聽落都刺激!

Noah's ArkPhoto from Noah's Ark

砵砵!嘩!「熱狗巴士」呀!會場還原舊時香港街景,小朋友仲有機會著起巴士司機制服,同呢架古董巴士影返張復古「工作照」!

Noah's ArkPhoto from Noah's Ark

除咗懷舊遊戲,懷舊小食、桌遊同樣係港人集體回憶,大家都屢見不鮮。但講到自己親手DIY嘅話,相信大部份人都未試過啦!

場內設「維他奶砵仔糕」同「懷舊香江製麵」工作坊,俾大家用原味同麥精維他奶,調製出啡白雙色嘅新派砵仔糕!仲可以「自己湯麵自己做」,用製麵機自製唔同口味嘅麵團,搭配各款麵食湯底,最後仲可以自己設計埋包裝盒。有得食又得玩,絕對係吃貨最愛呀!

Noah's ArkPhoto from Noah's Ark

Noah's ArkPhoto from Noah's Ark

未夠喉?大家仲可以喺「情尋康樂棋製作室」自製康樂棋,喺充滿街景同特式嘅棋盤上,貼上不同圖案和指示,每個人都可以設計出獨特玩法同特色!整完可以拎走同家人朋友慢慢玩!

Noah's ArkPhoto from Noah's Ark

好玩嘅點止咁少?會場仲有其他刺激好玩嘅大型遊戲,大人小朋友一次過有得食有得玩,又可以發揮小宇宙,輕鬆盡興玩足成日!

挪亞方舟「童遊反斗時光機」
活動日期:2019年4月19日至5月13日(逢星期六、日及公眾假期)
時間:上午10時至下午6時
地點:香港新界馬灣珀欣路33號
入場費:成人HK$168,小童及長者HK$138
凡於挪亞方舟官網購買小童門票,即可優先預約最多2個活動!
網站: https://www.noahsark.com.hk/tra/2019easter.jsp

Presented By Noah's Ark

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel