黃心穎3字成TVB禁語？愛回家聽民意急撤黃心穎主題曲！網民大推「大四喜」做主題曲！

「安心偷食」事件轟動全港！黃心穎主動勾搭人夫許志安，遭全港市民涶罵，繼而被一眾網民睇番佢以前嘅相嘅時候，發現佢同唔少人夫關係都好Close。仲有報導指佢曾經係令陳自瑤王浩信、吳啟華婚姻出現紅燈嘅導火線！

Photo from IG@jacquelinebwong

Photo from 東坡家事

網民一致話：「如果愛回家首主題曲仲係黃心穎主唱嘅話就罷睇！」TVB或者避免令一向高收視嘅愛回家備受拖累，琴晚嗰集愛回家嘅主題曲即刻變咗做純音樂，喺劇尾嘅演員列表更係冇咗「主唱：黃心穎」一欄！睇嚟黃心穎3隻字將會成為TVB禁語！

Photo from 愛回家之開心速遞

網民大推由Hip Hop耆英唱嘅「大四喜」取代黃心穎主唱嘅首「在心中」做主題曲！「Yo!乜嘢叫IG我哋唔知 我哋淨係知 乜嘢叫做禮義廉恥 一味玩IG 一味講呢啲問你點知」

Photo from 愛回家之開心速遞

Photo from 愛回家之開心速遞

愛回家一向咁聽民意，唔知今次又會唔會堅用大四喜Rap做主題曲呢？大家記得一齊Mon住啦～

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）