細數娛樂圈5對真童話夫妻!別把愛情想得太悲觀 請相信愛情!

細數娛樂圈5對真童話夫妻!別把愛情想得太悲觀 請相信愛情!

生活熱話
ByIvory on 18 Apr 2019 Digital Editor

公眾人物無論係娛樂圈定係政商界猛人,佢哋嘅私人生活永遠都係公眾嘅焦點~佢哋嘅行為都有機會畀記者嘅鏡頭無限放大~一失足,真係會成千古恨!有人話婚姻係愛情嘅墳墓,其實婚姻先係幸福嘅源頭。小編就細數5對娛樂圈模範夫妻,等大家唔好再懷疑愛情!

1.劉青雲 郭藹明
劉青雲同郭藹明結婚21年,之前劉青雲獲得第34屆金像獎影帝時,曾經向全宇宙對郭藹明高呼「太空船愛的宣言」:「每次當我揸住太空船,飛到宇宙唔知邊度,你總有辦法令我安全返番地球。」呢番宣言令台下老婆郭藹明即時感動爆喊,同時亦感動全香港嘅情侶!

上年係劉青雲同郭藹明結婚20週年,劉青雲Sweet爆話:「太太係我人生最好嘅禮物!一個真正愛你嘅男人,只會對你一個講甜言蜜語~


在 Instagram 查看這則貼文

劉青雲 刘青云 Sean Lau(@lauchingwan)分享的貼文 張貼


在 Instagram 查看這則貼文

. If I could be with anyone, I'd still be with you.

劉青雲 刘青云 Sean Lau(@lauchingwan)分享的貼文 於 張貼

喺鏡頭後佢哋都依然恩愛,劉青雲同郭藹明20年嚟風雨不改,每年都會為對方親手寫聖誕卡,即使相處得耐都會為對方製造小驚喜。而且劉青雲不時會陪郭藹明行街市,陪對方做鍾意嘅事,佢哋即使結咗婚咁耐,到依家仍然會手拖手行街~相信呢啲都係佢哋恩愛多年嘅小秘訣!


在 Instagram 查看這則貼文

劉青雲 刘青云 Sean Lau(@lauchingwan)分享的貼文 張貼

2.陳豪 陳茵媺
陳豪前幾日生日,老婆陳茵媺孖住班仔女幫老公齊齊親手整生日蛋糕送畀陳豪,搞個小型溫馨生日會,仲大讚佢係個好老公同好爸爸!你睇吓陳豪個樣幾冧!而陳豪亦都好識氹老婆!

IG@aimeechan_official
Photo from IG@aimeechan_official

不時發布同老婆陳茵媺嘅合照,更會經常大讚陳茵媺係好老婆、好媽媽,即使已係3個孩子嘅爸爸,但到情人節、結婚週年等屬於佢哋嘅節日嘅時候,就會爭取時間二人世界~就好似今年3月,兩人雙雙到西班牙度假,超溫馨!陳豪同陳茵媺就係有對方、有自己的孩子就滿足了~

IG@aimeechan_official
Photo from IG@aimeechan_official

3.張繼聰 謝安琪
當年張繼聰經常畀人笑佢靠老婆,仲將佢改名變謝繼聰!謝安琪一直陪佢度過難關,一直不離不棄,直至佢依家出人頭地!2008年,張繼聰喺叱咤樂壇嘅頒獎禮上,獲得一個創作人大獎,事業開始有起色,當日更強忍淚水,向台下嘅謝安琪發表超感人愛的宣言:「我想多謝我太太,同埋我個仔。喺過去一年,我聽過好多祝賀嘅說話,亦都聽過好多好難堪嘅說話。我記得有一晚,我睇住我太太瞓覺,嗰晚係一個好大壓力嘅晚上。我同我自己講,我一定會好好照顧我太太、照顧我個仔。無論時光倒流幾多次,我都會娶你做我老婆。」

IG@louischeung2013
Photo from IG@louischeung2013

即使依家張繼聰出咗名但都冇周圍滾~經常喺IG大曬一對可愛仔女,情人節嘅時候,仲喺尖沙嘴海傍為謝安琪自彈自唱《每天愛你多一些》,聽到謝安琪勁冧!

IG@louischeung2013
Photo from IG@louischeung2013

除咗當眾唱情歌,張繼聰仲喺IG放同Kay「撐檯腳」嘅合照,而最Sweet係Caption一句:「A successful marriage requires falling in love many times ,always with the same person」,意指「一段成功的婚姻是需要與同一個人不斷墮入愛河」,真係好Sweet啊!

廣告
廣告


在 Instagram 查看這則貼文
「A successful marriage requires falling in love many times ,always with the same person.」 By Mignon McLaughlin . . 12週年快樂❤️

張繼聰 Louis(@louischeung2013)分享的貼文 於 張貼

4.張智霖 袁詠儀
張智霖曾經喺演唱會上感性讀出愛妻宣言,表示仲未真正認識老婆袁詠儀之前,其實已經鍾意佢。當年初出道嘅佢,甚至會專程到電視台走一圈,希望自製一個「與香港小姐的偶遇」。 填詞人黃偉文有次爆料話,《未婚妻》呢首歌就係張智霖請求佢寫咖~張智霖向大家分享兩人婚後嘅相處模式係:「大事聽我,小事由她決定。不過家中也好像沒發生過什麼大事(笑)。」

IG@cheungchilam
Photo from IG@cheungchilam

而袁詠儀喺內地真人騷入面,因為要自己一個同朋友去旅行唔慣,就喺節目中爆喊話:「我一個人坐飛機我很不習慣,去旅遊,我覺得應該是跟我老公的,或是一家三口這樣,我這一次真的是一個人出來。」「我想跟他說,去完這一次以後,我不會再一個人去旅遊,我一定會跟着他,或是他一定要跟着我,他跑不掉這樣。」

IG@cheungchilam
Photo from IG@cheungchilam


在 Instagram 查看這則貼文

生日快樂morton,我把今天送給你

張智霖 Chilam(@cheung_chi_lam)分享的貼文 於 張貼

一齊咁多年,大家忙碌中願意花時間同對方相處,仍然keep 住浪漫真係非常重要,唔可以因工作而忽略身邊重要嘅人啊!

IG@cheungchilam
Photo from IG@cheungchilam

5.陳柏宇 符曉薇
陳柏宇同老婆是因為拍《喜愛夜蒲》而結緣,之前亦經常喺不同嘅節目同訪問中見到佢同老婆相處上非常sweet,亦係一個很易受到感動嘅人,經常會說話好愛老婆!

IG@ckw720
Photo from IG@ckw720

IG@ckw720
Photo from IG@ckw720

有次曾合埋眼扮盲突然感觸,亦很感恩老婆一直喺自己身邊;更曾經到朝早6點未訓,就係為咗叫醒老婆同佢講有幾愛佢,小小嘅事情,就足以感受到佢有幾重視老婆!雖然自從囡囡出生後,陳柏宇瞬間變成曬囡狂魔,老婆嘅地位好似係降低咗(笑)不過佢依然係個好老公、好爸爸!

IG@ckw720
Photo from IG@ckw720

而符曉薇之前上《1+1+1》公開大讚老公好識表達自己,成日同佢講有幾愛佢!即使佢哋結咗婚2年,有咗小朋友,但仍然堅持每日每晚講「Sweet Dream」、「good night」、「我愛你」,每朝早都會錫佢一啖!一段感情能夠保鮮就係雙方都願意為呢段感情付出、維繫!

IG@ckw720
Photo from IG@ckw720

其實點止5對恩愛夫妻,仲有周潤發發嫂、陳智燊宋熙年、梁家輝等,希望大家睇完之後,可以重拾對愛情嘅憧憬!唔好懷疑愛情,請相信愛情!

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

 

Share to Facebook