日本東京將實施最嚴禁煙令 大部分室內公共場所全面禁煙+部分企業唔請煙民做員工

日本即將迎來2020年東京奧運，為咗國家嘅形象，厚生勞動省提出咗「被動吸煙對策」。

東京奧運籌委為配合國際奧委會「無煙奧運」嘅概念，喺舉辦奧運賽事嘅所有場地均實施全面禁煙，而且不設吸煙室。

Photo from PressLogic

而全國大部分食肆都全面禁煙，唔再設有吸煙席，大型連鎖餐廳例如薩莉亞、KFC已全面取消吸煙席。

除咗部分指定嘅室外地點可以吸煙，基本上係全面禁煙，而違反規定可處最高30萬円罰款，店舖如果喺禁煙區放置煙灰缸等吸煙設備，都會被罰款50萬円。

Photo from PressLogic

另外有部分企業更實行「拒絕聘用吸煙者」嘅措施，例如軟銀集團就實施工作期間全面禁煙，連應酬客戶都唔准食煙，九州長崎大學亦宣布未來唔會再聘請煙民擔任教職員。

Photo from PressLogic

長崎大學更會由5月開始喺校園內設立免費戒煙門診，幫助有吸煙習慣嘅學生同教職員戒煙。

但有部分煙民認為呢個吸煙政策太嚴，而企業憑食唔食煙決定係咪錄用員工亦有歧視之嫌。

Photo from PressLogic

為咗喺2020年奧運前營造健康環境，日本政府希望將目前17.7％嘅吸煙率喺2020年之前降低到12％。

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）