【歐遊好去處】巴黎麥當勞分店改行藝術風？幾何圖案+柔和藍綠色調

法國巴黎係著名嘅藝術之都，唔單止藝術館雲集，更令人估唔到嘅係就連快餐店都玩埋藝術！

法國麥當勞近排同意大利室內設計教母Paola Navone大搞Crossover，由Paola操刀重新設計巴黎一間麥當勞分店，將藝術融入快餐店裝潢！

香港嘅「麥記」通常係以紅、黃等搶眼色彩為主調，但巴黎呢間改裝後嘅「麥記」，就改用柔和藍、綠、灰等色調，由牆身、枱枱櫈櫈都加上簡約幾何圖案，成間店變得充滿藝術感！

配上吊燈同高腳櫈後，更加有格調！唔講完全唔覺係快餐店！

呢間扭轉世人對快餐店印象嘅「麥記」，實在令人耳目一新！嚟梗會去巴黎旅行嘅朋友，不妨嚟呢間「清新版M記」，感受另一種快餐風情啦！

巴黎麥當勞（新改裝分店）
地址：2, boulevard de l’Hôpital, 75005 Paris

資料來源：Dezeen、IDEAT